भारत आणि पाकिस्तानी लष्कराने, गुरुवारी जम्मू आणि काश्मीरमधील पूंछ जिल्ह्यातील चाकण दा बाग येथे, नियंत्रण रेषा (LOC) व्यवस्थापनासंबंधित बाबींवर चर्चा करण्यासाठी ब्रिगेड-स्तरीय Flag Meeting (ध्वज बैठक) घेतली.
अधिकाऱ्यांच्या माहितीनुसार, दोन्ही देशांच्या ब्रिगेडियर-रँक अधिकाऱ्यांनी या बैठकीचे नेतृत्व केले, जी या महिन्यातील अशा प्रकारची दुसरी बैठक आहे.
“या फ्लॅग मिटींग्ज नियंत्रण रेषा आणि सीमा व्यवस्थापन यंत्रणेचा नियमित भाग आहेत, ज्या दोन्ही देशांच्या लष्करी ऑपरेशन्स महासंचालक (डीजीएमओ) यांच्यातील सामंजस्यानुसार आयोजित केल्या जातात,” असे एका संरक्षण प्रवक्त्याने सांगितले.
ही बैठक देखील नियंत्रण रेषेवरील नियमित ऑपरेशनल आणि समन्वय मुद्द्यांवर केंद्रित होती. भारतीय लष्कराच्या अधिकाऱ्यांनी अलिकडच्या काळात झालेले घुसखोरीचे प्रयत्न, युद्धबंदीचे उल्लंघन आणि सुधारित स्फोटके (IED) यांच्याशी संबंधित घटनांबद्दल चिंता व्यक्त केली आणि पाकिस्तानी समकक्षांसमोर आपला औपचारिक निषेध नोंदवला.
