डोनाल्ड ट्रम्प यांचे व्हाईट हाऊसमध्ये होणारे पुनरागमन, आयात शुल्क, कर कपात आणि स्थलांतरितांवरील निर्बंधांच्या त्यांच्या योजनांमुळे नवीन वर्षाची दिशा ठरवली जाणार असल्याने गुरुवारी शेअर बाजारांमध्ये काहीशा सावधगिरीने व्यवहारांना सुरूवात झाली.
अमेरिकेचे नवनिर्वाचित राष्ट्राध्यक्ष 20 जानेवारी रोजी शपथ घेणार असून केवळ दोन आठवड्यांनंतर होणाऱ्या या समारंभानंतर, ट्रम्प यांच्या आर्थिक अजेंड्यातील अनिश्चितता आणि जागतिक अर्थव्यवस्थेवर त्याचा काय परिणाम होईल याचा अर्थ लावण्यासाठी गुंतवणूकदार सज्ज झाले आहेत.
या अनिश्चिततेमुळे गुरूवारी आशियातील समभागांच्या विक्रीवर परिणाम होण्याची शक्यता निर्माण झाली आहे तर दुसरीकडे युरोपमधील समभाग सकारात्मक खुल्या भविष्याकडे निर्देश करत अधिक चांगली विक्री करण्यास तयार असल्याचे दिसत होते.
विशेषतः चिनी समभागांमध्ये मोठ्या प्रमाणात घसरण झाली, तसेच युआन 14 महिन्यांत अमेरिकी डॉलरच्या तुलनेत त्याच्या सर्वात खालच्या पातळीवर पोहोचल्याचे बघायला मिळाले.
चिनी वस्तूंच्या आयातीवर 60 टक्क्यांहून अधिक कर लावण्याची ट्रम्प यांची योजना या वर्षी विकासाला चालना देण्यासाठी केंद्र सरकारने केलेल्या सक्रिय धोरणांशी सुसंगत असली तरी, दुसरीकडे सुधार व्हावा यासाठी संघर्ष करत असलेल्या अर्थव्यवस्थेचा दृष्टीकोन सध्यातरी काहीसा गोंधळलेला आहे.
चीन आणि इतर आशियाई फॅक्टरी पॉवरहाऊसनी 2024 चा शेवट काहीसा सावधपणे केल्याचे गुरुवारीच्या आकडेवारीवरून दिसून आले, कारण ट्रम्प यांच्या दुसऱ्या अध्यक्षपदाच्या काळात वाढत्या व्यापार जोखमीमुळे आणि चीनच्या सातत्याने केल्या जाणाऱ्या कमकुवत मागणीमुळे नवीन वर्षाच्या अपेक्षा झाकोळल्या होत्या.
तसेच गुंतवणूकदारांना त्रस्त करणारी चिंता होती की ट्रम्प प्रशासन अमेरिकन अर्थव्यवस्थेला पुन्हा एकदा वेठीस धरेल, धोरण बाजार निरीक्षकांना अपेक्षा आहे की महागाई वाढेल आणि त्यामुळे सरकारी कर्जाचा भारही वाढेल. अर्थातच फेडरल रिझर्व्हची व्याजदर कमी करण्याची संधी मर्यादित होईल.
बाजार आता या वर्षी फेड कपातीच्या सुमारे 42 बेसिस पॉईंटच्या किमतीवर आहे, ज्यामुळे 2025 पर्यंत डॉलरचा भाव जोरदार वाढण्याची शक्यता आहे. नवीन वर्षाच्या पहिल्याच दिवशी युक्रेनमधून जाणाऱ्या सोव्हिएत काळातील पाइपलाइनद्वारे रशियाने वायू निर्यात थांबवल्यानंतर युरोपमध्ये ऊर्जा समभागांवर बाजाराचे लक्ष केंद्रित होण्याची शक्यता आहे, ज्यामुळे युरोपियन ऊर्जा बाजारपेठेवरील अनेक दशकांचे रशियन वर्चस्व संपुष्टात येऊ शकते.
तरीही, दीर्घकालीन नियोजित स्थगितीचा युरोपियन युनियनमधील किंमतींवर मर्यादित प्रभाव पडेल हे लक्षात घेता दिसून येणारे परिणाम नगण्य असतील अगदी -2022 च्या उलट, जेव्हा रशियन पुरवठ्यात घसरण झाल्याने किंमती विक्रमी उंचीवर पोहोचल्या, जीवनमानाच्या खर्चाचे संकट अधिकच बिघडले आणि त्याचा ब्लॉकच्या स्पर्धात्मकतेवर परिणाम झाला.
गुरुवारी बाजारपेठेवर परिणाम करू शकणाऱ्या प्रमुख गोष्टी म्हणजे ब्रिटनमधील घरांच्या राष्ट्रीय किंमती (डिसेंबर), फ्रान्स, जर्मनी एचसीओबी उत्पादन पीएमआय (डिसेंबर) आणि अमेरिकेचे साप्ताहिक बेरोजगारीचे दावे.
टीम स्ट्रॅटन्यूज
(रॉयटर्स)
