Raksha Mantri Shri @rajnathsingh today held a bilateral meeting with Chinese Defence Minister Mr Dong Jun in Vientiane, Lao PDR and discussed issues of shared interest.#ADMMPlus pic.twitter.com/1JMu3QcD7b
— Ministry of Defence, Government of India (@SpokespersonMoD) November 20, 2024
दोन्ही देशांमधील लष्करात आत्मविश्वास वाढावा यासाठी उपाययोजना आखण्याचे आवाहन संरक्षणमंत्र्यांनी केले. याशिवाय दोन्ही देशांनी निरंतर संवाद आणि सहकार्याच्या माध्यमातून विश्वास वाढावा यासाठी काम करण्याची गरज असल्याचे ते म्हणाले. दोन्ही बाजूंनी स्थिर आणि सौहार्दपूर्ण संबंधांचे उद्दिष्ट ठेवून परस्पर विश्वास आणि समजूतदारपणा यांच्या पुनर्बांधणीसाठी एक आराखडा तयार करण्यावरही त्यांनी सहमती दर्शवली.
मलेशिया आणि लाओच्या संरक्षणमंत्र्यांसमवेत द्विपक्षीय चर्चा
After arriving in Lao PDR, Raksha Mantri Shri @rajnathsingh met his Malaysian counterpart Dato Seri Mohamed Khaled Bin Nordin in Vientiane. They briefly discussed defence cooperation & #regionalsecurity, to foster a stronger bilateral partnership. #DefenceCooperation… pic.twitter.com/cTBwnW6ca6
— Ministry of Defence, Government of India (@SpokespersonMoD) November 20, 2024
चीनचे संरक्षणमंत्री एडमिरल डोंग जून यांच्याशी झालेल्या बैठकीव्यतिरिक्त, संरक्षण मंत्री श्री. राजनाथ सिंह यांनी मलेशियन संरक्षणमंत्री दातो ‘सेरी मोहम्मद खालिद बिन नोर्डिन आणि लाओ पीडीआरचे संरक्षणमंत्री जनरल चांसमोन चान्यालाथ यांचीही वियनतियान येथे भेट घेतली.
मलेशियाच्या संरक्षणमंत्र्यांसमवेत झालेल्या बैठकीत दोन्ही नेत्यांनी प्रादेशिक सुरक्षा आणि स्थैर्याला चालना देण्याच्या वचनबद्धतेचा पुनरुच्चार केला. अर्थपूर्ण परिणाम साध्य करण्यासाठीच्या परस्पर प्रयत्नांबाबतही त्यांनी चर्चा केली आणि 2025च्या पहिल्या तिमाहीत होणाऱ्या मलेशिया-भारत संरक्षण समितीच्या बैठकीबाबतही यांनी चर्चा केली. या आगामी बैठकीत दोन्ही देशांमधील द्विपक्षीय संरक्षण सहकार्य वाढवण्यावर भर दिला जाईल.
दहशतवादविरोधी एडीएमएम-प्लस तज्ज्ञ कार्यकारी गटाचे सह-अध्यक्ष म्हणून भारत आणि मलेशिया यांनी याअंतर्गत सुरू असलेल्या उपक्रमांचा आढावा घेतला तसेच प्रादेशिक सुरक्षा आव्हानांचा सामना करण्यासाठी सहकार्य अधिक दृढ करण्याचे वचन दिले.
या चर्चेमुळे सुरक्षित आणि समृद्ध इंडो पॅसिफिक क्षेत्रासाठी भागीदारी बळकट करण्यासाठी, आसियन सदस्य देशांशी असणारे भारताचे सक्रिय संबंध परत एकदा अधोरेखित झाले.
21 नोव्हेंबर रोजी होणाऱ्या 11 व्या एडीएमएम-प्लसमध्ये सहभागी होण्यासाठी, संरक्षणमंत्री सिंह सध्या तीन दिवसांच्या वियनतियान दौऱ्यावर आहेत. प्रादेशिक आणि जागतिक सुरक्षा आव्हानांबाबत भारताचा दृष्टीकोन मांडत ते या मंचाला संबोधित करणार आहेत.
एडीएमएम-प्लस हा एक धोरणात्मक मंच आहे, ज्यामध्ये 10 आसियन सदस्य देशांबरोबर भारत, चीन, ऑस्ट्रेलिया, जपान, न्यूझीलंड, दक्षिण कोरिया, रशिया आणि अमेरिका या आठ प्रमुख संवाद भागीदारांचा समावेश आहे. प्रादेशिक संरक्षण आणि सुरक्षा मुद्यांवर संवाद तसेच सहकार्य वाढवण्यासाठी एक महत्त्वाचा मंच म्हणून हा काम करतो.
टीम भारतशक्ती
