ज्या देशातून आपले सैन्य 2021 मध्ये बाहेर पडले त्याच युद्धग्रस्त दक्षिण आशियाई देशावरील चीनच्या प्रभावाचा प्रतिकार करण्यासाठी अमेरिका अफगाणिस्तानमध्ये परतण्याची योजना आखत असल्याचे राष्ट्राध्यक्ष डोनाल्ड ट्रम्प यांनी अलीकडेच सांगितले.
“मला वाटते की आपण ते परत मिळवायला हवे”, असे अमेरिकन राष्ट्राध्यक्षांनी प्रसारमाध्यमांशी बोलताना सांगितले.
अमेरिकेच्या सशस्त्र दलांच्या कमांडर-इन-चीफची भूमिका स्वीकारल्यानंतर मंत्रिमंडळाच्या त्यांच्या पहिल्या बैठकीनंतर त्यांनी ही प्रतिक्रिया व्यक्त केली होती.
अमेरिकेने अफगाणिस्तानला कोट्यवधी डॉलर्स दिल्याची डोनाल्ड ट्रम्प यांनी आठवण करून दिली. याशिवाय चार वर्षांपूर्वी बाहेर पडताना उद्भवलेल्या गोंधळात मागे राहिलेली, न वापरलेली आणि सैन्यविरहित असणारी लष्करी उपकरणे अमेरिकेने परत मिळवली पाहिजेत असेही ते म्हणाले.
माजी राष्ट्राध्यक्ष जो बायडेन यांच्या राजवटीत अफगाणिस्तानातून माघार घेण्यात आली. यामुळे माजी राष्ट्राध्यक्ष अश्रफ घनी यांच्या राजवटीचा पाडाव झाला.
अमेरिकन सैन्याने अफगाणिस्तान सोडल्यानंतर आणि घनी यांचे सरकार उलथवल्यानंतर, तालिबान बंडखोर परत आले आणि त्यांनी अनेक दशकांपासून युद्धे पाहिलेल्या देशाचा जबरदस्तीने ताबा घेतला.
“आम्ही अफगाणिस्तानला कोट्यवधी डॉलर्स दिले, हे कोणालाही माहीत नाही आणि तरीही आम्ही ती सर्व उपकरणे मागे सोडली, जी मी त्यावेळी राष्ट्राध्यक्ष असतो तर झाली नसती. या गोष्टीने मला खूप त्रास दिला,” असे ट्रम्प यांनी माध्यमांना सांगितले.
“मला वाटते की आपल्याला ती बरीच उपकरणे परत मिळायला हवीत,” ते म्हणाले.
चायना घटक
ट्रम्प म्हणाले की, चीनच्या प्रभावाचा प्रतिकार करण्यासाठी अमेरिका बागराम विमानतळावर आपले नियंत्रण ठेवण्याची योजना आखत आहे.
“चीन ज्या ठिकाणी अण्वस्त्रे तयार करतो त्या ठिकाणापासून हा विमानतळ अगदी एका तासाच्या अंतरावर आहे. त्यामुळे आम्ही बगराम ताब्यात ठेवणार होतो,” असे ते म्हणाले.
“हा विमानतळ जगातील सर्वात मोठ्या विमानतळांपैकी एक असून सर्वात मोठ्या आणि सर्वात शक्तिशाली धावपट्ट्यांपैकी एक इथे आहे,” असे ते म्हणाले.
“आम्ही ते सोडून दिले. सध्या कोण त्यावर कब्जा करत आहे हे तुम्हाला माहीत आहे का? चीन. कारण बायडेन यांनी ते तसेच सोडून दिले. त्यामुळे आम्ही ते ताब्यात घेणार आहोत,” असे ट्रम्प म्हणाले.
9/11 घ्या दहशतवादी हल्ल्यानंतर अमेरिकेने अफगाणिस्तानात आक्रमण केल्यापासून वीस वर्षांनी जो बायडेन यांच्या नेतृत्वाखालील प्रशासनाने अफगाणिस्तानमधून सैन्य परत माघारी बोलवून घेतले होते.
अमेरिकन लष्करी साहित्य
अमेरिकन संरक्षण विभागाच्या काँग्रेसद्वारे प्रसिद्ध केलेल्या अहवालानुसार, ऑगस्टमध्ये अमेरिकेने देशातून पूर्ण माघार घेतल्यानंतर, 16 वर्षांच्या कालावधीत अमेरिकेने अफगाण सरकारला हस्तांतरित केलेली अंदाजे 7 अब्ज डॉलर्सची लष्करी उपकरणे अफगाणिस्तानमध्ये मागे सोडली, असे सीएनएनने नमूद केले आहे.
बगराम एअरफिल्ड
बगराम एअरफिल्ड-बीएएफ ज्याला बगराम एअर बेस असेही म्हणतात, ते अफगाणिस्तानच्या परवान प्रांतातील चारीकरच्या आग्नेयेला 11 किलोमीटरवर आहे. बगराम विमानतळ हा पूर्वी अफगाणिस्तानमधील अमेरिकेचा सर्वात मोठा लष्करी तळ होता. नाटो प्रशिक्षित अफगाण नॅशनल आर्मीने 2021 मध्ये आत्मसमर्पण केल्यानंतर हा तळ तालिबान बंडखोरांच्या हाती पडला.
1950 च्या दशकात, शीतयुद्धाच्या सुरुवातीच्या काळात सोव्हिएत युनियनने बगराम एअरफिल्ड बांधले होते. अमेरिका आणि सोव्हिएत युनियन या दोघांनीही अफगाणिस्तानवर आपला प्रभाव वाढवण्याचा प्रयत्न केला.
टीम स्ट्रॅटन्यूज
(आयबीएनएस)
