भारताच्या स्वदेशी संरक्षण क्षमतेत लक्षणीय वाढ करण्यासाठी, संरक्षण संशोधन आणि विकास संघटनेने (DRDO), 8 ते 10 एप्रिल दरम्यान, लांब पल्ल्याच्या ग्लाइड बॉम्ब (LRGB) ‘गौरव’ (Gaurav) ची यशस्वी चाचणी घेतल्या. भारतीय हवाई दलासाठी (IAF) अचूकता-मार्गदर्शित युद्धसामग्री विकसित करण्याच्या दृष्टीने हा एक महत्त्वाचा टप्पा आहे.
चाचण्यांमधून बॉम्बची जवळजवळ 100 किलोमीटर अंतरावर पिन-पॉइंट अचूकतेने लक्ष्यांवर मारा करण्याची क्षमता दिसून आली. संरक्षण मंत्रालयाने शुक्रवारी सांगितले की, बॉम्बची वॉरहेड कॉन्फिगरेशनची चाचणी घेण्यात आली, ज्यामध्ये त्याचे लक्ष्य एका बेटावर होते.
‘गौरव’ हा 1,000 किलोग्रॅमचा क्लास ग्लाइड बॉम्ब आहे जो पूर्णपणे भारतात डीआरडीओ प्रयोगशाळांनी डिझाइन केलेला आणि विकसित केला आहे, ज्यामध्ये संशोधन केंद्र इमरत (RCI), शस्त्रास्त्र संशोधन आणि विकास प्रतिष्ठान (ARDE) आणि चांदीपूर येथील एकात्मिक चाचणी श्रेणी (ITR) यांचा समावेश आहे. ही प्रणाली विकास-सह-उत्पादन भागीदार (DCPP) मॉडेल अंतर्गत उद्योग भागीदारांच्या सहकार्याने विकसित केली गेली आहे, ज्यामध्ये अदानी डिफेन्स सिस्टम्स अँड टेक्नॉलॉजीज, भारत फोर्ज आणि अनेक सूक्ष्म, लघु आणि मध्यम उद्योग (MSMEs) यांचे मोठे योगदान आहे.
DRDO आणि भारतीय वायुसेनेचे वरिष्ठ अधिकारी या चाचण्यांच्या वेळी उपस्थित होते. या चाचण्या ‘गौरव’ बॉम्बच्या वायुसेनेत होणाऱ्या संभाव्य समावेशासाठी एक महत्त्वपूर्ण टप्पा मानल्या जात आहेत.
Centre for Military Airworthiness & Certification (CEMILAC) आणि Directorate General of Aeronautical Quality Assurance (DGAQA) यांनी प्रमाणन आणि गुणवत्ता नियंत्रणाच्या प्रक्रियेत महत्त्वाची भूमिका बजावली.
संरक्षण मंत्री राजनाथ सिंह यांनी DRDO, भारतीय वायुसेना आणि उद्योग भागीदारांचे यशस्वी चाचण्यांबद्दल अभिनंदन केले. त्यांनी म्हटले, “लाँग-रेंज ग्लाइड बॉम्ब (LRGB) चा विकास आपल्या सशस्त्र दलांची क्षमता लक्षणीयरित्या वाढवेल.”
The @DRDO_India has successfully conducted the Release Trials of Long Range Glide Bomb (LRGB) ‘Gaurav’ during 8-10 April 2025 from the SU-30 MKI.
Raksha Mantri Shri @rajnathsingh complimented DRDO, IAF and industry for successful development trials of the Long Range Glide Bomb… pic.twitter.com/RHBtLHzsfg
— रक्षा मंत्री कार्यालय/ RMO India (@DefenceMinIndia) April 11, 2025
DRDO चे अध्यक्ष डॉ. समीर व्ही. कामत यांनीही टीमच्या यशाचे कौतुक केले. त्यांनी या यशामागील संघटित प्रयत्नांची प्रशंसा करत, “हे यश म्हणजे टीमवर्कचे एक उत्तर उदाहरण” असल्याचे म्हटले.
