भारत आणि अमेरिका यांच्यातील, द्विपक्षीय ‘त्रि-सेवा मानवतावादी सहाय्य आणि आपत्ती निवारण (HADR)’ सरावाच्या चौथ्या आवृत्तीला मंगळवारी सुरूवात झाल्याचे अधिकाऱ्यांनी सांगितले.
‘भारत-अमेरिका HADR सराव टायगर ट्रायम्फ’ची चौथी आवृत्ती, 1 एप्रिल ते 13 एप्रिल दरम्यान पूर्व समुद्रकिनाऱ्यावर होणार आहे.
सरावाचा उद्देश काय?
हा HADR (मानवीय सहाय्यता आणि आपत्ती पुनर्वसन) सराव, दोन्ही देशातील परस्पर कार्यक्षमता विकसीत करण्यासाठी, संयुक्त समन्वय केंद्र (CCC) स्थापन करण्याच्या हेतूने आणि मानक कार्यपद्धती (SOPs) तयार करण्यासाठी अंतर्गत क्षमता विकसित करण्याच्या उद्देशाने आयोजित केला आहे, ज्यामुळे भारत आणि अमेरिका संयुक्त कार्यबल (JTF) यांच्यात सराव आणि आपत्ती/आपत्कालीन परिस्थिती दरम्यान जलद आणि सुलभ समन्वय साधता येईल.
“सरावामध्ये भारतीय नौदलाच्या जहाजे देशाचे प्रतिनिधित्व करतील, ज्यात जलाश्व, घारियाल, मुंबई आणि शक्ती या जहाजांचा समावेश असेल, सोबतच हेलिकॉप्टर आणि लँडिंग क्राफ्ट्स अँबर्कही यात सहभागी होतील. याशिवाय, दीर्घ श्रेणीचे समुद्री गस्त विमान P8I, भारतीय लष्कराचे 91 इन्फंट्री ब्रिगेड आणि 12 मेक इन्फंट्री बटालियन, भारतीय हवाई दलाचे C-130 विमान, MI-17 हेलिकॉप्टर आणि जलद क्रियाशील वैद्यकीय टीम (RAMT) यांचा देखील यात समावेश असेल,” असे भारत सरकारने जारी केलेल्या एका निवेदनात म्हटले आहे.
तर, अमेरिकेचे प्रतिनिधित्व यूएस नेव्हीची कॉमस्टॉक आणि राल्फ जॉन्सन ही जहाजे करतील, ज्यामध्ये यूएस मरीन डिव्हीजनचे सैनिक अँबर्कही असतील.
“सरावाची हार्बर फेज- 01 ते 07 एप्रिल 2025 दरम्यान विशाखापट्टणममध्ये पार पडेल, ज्यामध्ये 01 एप्रिल 2025 रोजी, INS जलाश्ववरील संयुक्त ध्वज परेड आणि मीडियाशी संवाद साधला जाणार आहे,” असे निवेदनात म्हटले आहे.
दोन्ही देशाचे सहभागी- प्रशिक्षण भेटी, विषयानुरुप तज्ञांच्या सल्लामसलती, क्रीडा कार्यक्रम आणि सामाजिक संवादांत सहभागी होतील.
हार्बर फेज
हार्बर फेज पूर्ण झाल्यानंतर, सर्व जहाजे आणि त्यांच्यावर तैनैत सैनिक काकिनाडा किनाऱ्याच्या दिशेने रवाना होतील, जिथे समुद्री, अम्फिबियस आणि HADR सरावाचा दुसरा टप्पा पार पडेल.
या सरावादरम्यान, भारतीय लष्कर आणि अमेरिकन मरीन यांच्याकडून काकीनाडा नेव्हल एन्क्लेव्ह येथे एक संयुक्त कमांड आणि कंट्रोल सेंटर स्थापन केले जाईल.
“भारतीय हवाई दलाची RAMT आणि यूएस नेव्हीची वैद्यकीय टीम, संयुक्त वैद्यकीय शिबिरही आयोजित करेल, ज्यामध्ये वैद्यकीय मदत पुरवली जाईल. हा उपक्रम 13 एप्रिल 2025 रोजी, विशाखापट्टणममध्ये यूएस नेव्हीचे जहाज ‘कॉमस्टॉक’वर संपन्न होईल आणि त्यानंतर सरावाचा समारोप होईल,” असे निवेदनात नमूद केले आहे.
टीम स्ट्रॅटन्यूज
(IBNS च्या इनपुट्ससह)
