भारताच्या संरक्षण तंत्रज्ञानातील स्वावलंबनाला मोठ्या प्रमाणात चालना देण्यासाठी, भारतीय लष्कराने 25 फेब्रुवारी रोजी, 223 ऑटोमॅटिक केमिकल एजंट डिटेक्शन अँड अलार्म (ACADA) सिस्टम्स खरेदी करण्याबाबत, Larsen & Toubro (L&T) कंपनीसोबत सोबत करार केला. हा करार, ‘बाय इंडियन (IDDM)’ या श्रेणीत केला जात असून, ₹80.43 कोटी रुपये मूल्यांच्या या व्यवहारात, 80% पेक्षा जास्त घटक आणि उपप्रणाली स्थानिक पातळीवर पुरवल्या जातील, ज्यामुळे ‘आत्मनिर्भर भारत’ उपक्रमाला बळकटी मिळेल.
DRDO च्या- डिफेन्स रिसर्च अँड डेव्हलपमेंट एस्टॅब्लिशमेंट (DRDE) ग्वाल्हेर, द्वारे विकसित केलेले- ACADA हे स्वदेशी CBRN (रासायनिक, जैविक, रेडिओलॉजिकल आणि न्यूक्लियर) संरक्षण क्षमतांमध्ये एक महत्त्वपूर्ण माईल स्टोन ठरले आहे.
The #IndianArmy as part of its efforts to modernise, officially signed a contract for the procurement of 223 Automatic Chemical Agent Detection & Alarm (ACADA) Systems from M/s L&T Limited. These systems, which have been indigenously developed by the Defence Research and… pic.twitter.com/oU8rTuaedj
— ADG PI – INDIAN ARMY (@adgpi) February 25, 2025
ACADA प्रणाली, सभोवतालच्या हवेचे नमुने घेऊन केमिकल वॉरफेअर एजंट (CWAs) आणि प्रोग्राम केलेली विषारी औद्योगिक रसायने (TICs) शोधण्यासाठी डिझाइन केली गेली आहे. हे प्रगत तंत्रज्ञान आयन मोबिलिटी स्पेक्ट्रोमेट्री (IMS) तत्त्वावर चालते आणि दोन अतिसंवेदनशील IMS पेशींचा सातत्याने शोध घेण्यासाठी आणि घातक पदार्थांचे रिअल-टाइम निरीक्षण करण्यासाठी त्याचा वापर करते.
ACADA चा फील्ड युनिट्समध्ये समावेश केल्याने, भारतीय सैन्याच्या CBRN संरक्षण तयारीत लक्षणीय वाढ होणार असून, औद्योगिक धोक्यांशी संबंधित आपत्ती निवारण कार्यांसह, युद्ध आणि शांतता या दोन्ही परिस्थितींमध्ये मजबूत संरक्षण सुनिश्चित होईल.
ही खरेदी भारतीय सैन्याच्या स्वदेशी अत्याधुनिक तंत्रज्ञानासह, CBRN संरक्षण क्षमता अद्ययावत करण्याच्या वचनबद्धतेला अधोरेखित करते, ज्यामुळे ऑपरेशनल तयारी आणि राष्ट्रीय सुरक्षा दोन्हीची सुनिश्चीत केली जाते.
टीम भारतशक्ती
