ट्रम्प- स्टारमर यांच्यातील मतभेद कायम, तरीही स्तुतीसुमनांची उधळण

अमेरिकेचे राष्ट्राध्यक्ष डोनाल्ड ट्रम्प यांनी सोमवारी ब्रिटनशी असलेल्या आपल्या “विशेष संबंधांवर” प्रकाश टाकला आणि टर्नबेरी गोल्फ क्लबच्या बॉलरूममधून बोलताना पंतप्रधान केयर स्टारमर, किंग चार्ल्स आणि आपल्या आईच्या स्कॉटिश मुळांचे कौतुक केले.

परंतु कौतुकासोबतच स्टारमर यांना ऊर्जा धोरण, इमिग्रेशन आणि कर या विषयांवर इशारे देखील देण्यात आले, तसेच स्टारमर यांचे राजकीय सहयोगी असलेले लंडनचे महापौर सादिक खान यांच्यावरही ट्रम्प यांनी जोरदार हल्ला चढवला.

एकमेकांशेजारी बसलेल्या स्टारमर आणि ट्रम्प यांना जागतिक घडामोडींच्या पार्श्वभूमीवर झालेल्या या वादळी दौऱ्यात  मीडियाकडून एक तासाहून अधिक काळ विविध प्रश्न विचारण्यात आले ज्यामध्ये युक्रेनमध्ये युद्धबंदीसाठी रशियाला एक नवीन अंतिम मुदत निश्चित करणे आणि गाझामध्ये उपासमार कमी करण्यासाठी अन्न केंद्रे जाहीर करणे यांचाही समावेश होता.

जेव्हा अँग्लो-अमेरिकन संबंधांचा विचार केला गेला, तेव्हा प्रसारमाध्यमांच्या अशा प्रकारच्या उपस्थितीबद्दल ट्रम्प यांचा अनेकदा स्पष्टवक्ता आणि कधीकधी संघर्षात्मक दृष्टीकोन यावेळी मात्र आकर्षक आक्रमकतेमध्ये बदलला होता.

“पंतप्रधान,आम्हाला त्यांच्याकडून खूप पाठिंबा मिळत आहे,  ते इतके खंबीर आणि आदरणीय आहेत, आणि मी आता पूर्वीपेक्षा जास्त त्यांचा आदर करतो, कारण त्यांच्या पत्नी आणि कुटुंबाची मी नुकतीच भेट घेतली. त्यांना एक अनुरूप पत्नी मिळाली आहे आणि ते साध्य करणे कधीच सोपे नसते,” असे ट्रम्प म्हणाले.

जागतिक माध्यमांसमोर दोघांनी एकत्रितपणे घालवलेल्या 72 मिनिटांपैकी अवघी काही मिनीटेच बोलणारे स्टारमर यांनीही मुक्तपणे कौतुकाची प्रतिक्रिया दिली, जे राजकीय प्रियाच्या दोन विरुद्ध बाजूंनी आलेल्या दोन्ही नेत्यांमधील वाढत्या मैत्रीच्या नवीन अध्यायात होते.

“येथे असणे – आणि तुमच्या आदरातिथ्याबद्दल धन्यवाद – आणि हे अद्भुत गोल्फ कोर्स पाहणे खूप छान आहे. मी तुम्हाला कधीतरी फुटबॉलच्या मैदानावर आमंत्रित करेन आणि आपण खेळांची देवाणघेवाण करू शकतो,” असे स्टारमर विनोदाने म्हणाले.

खान यांचा बचाव

तथापि, राष्ट्राध्यक्ष म्हणून आपल्या पहिल्या कार्यकाळात लंडनचे महापौर खान यांच्याशी जाहीरपणे वाद घालणारे ट्रम्प यांनी खान ब्रिटिश राजधानी चालवताना वाईट काम करत असल्याचे सांगितले आणि त्यांना ‘वाईट व्यक्ती’ म्हटले तेव्हा त्यांच्या बचावार्थ स्टारमर पुढे सरसावले.

“तो माझा मित्र आहे,  हे मी इथे सांगणे आवश्यक आहे,” असे स्टारमर यांनी मध्यस्थी करताना सांगितले. त्यानंतर ट्रम्प यांनी  “माझ्या मते त्याने खूप वाईट काम केले आहे,” अशी टिप्पणी केली.

स्टारमर यांनी ट्रम्प यांचे स्थलांतर कमी करण्याबद्दलचे भाषण ऐकले – एक असे क्षेत्र ज्यामध्ये ब्रिटिश नेते जनतेला अपयशी वाटतात. ट्रम्प म्हणाले की 2024 च्या अमेरिकन निवडणुकीत त्यांच्या विजयासाठी धोरण महत्त्वाचे होते, तसेच कर कमी करण्याचे आणि अर्थव्यवस्थेला चालना देण्याचे आश्वासनही त्यांनी दिले होते.

प्रचंड विजय मिळवल्यानंतर केवळ एक वर्षानंतर स्टारमर यांचे सरकार वाढ होत नसलेल्या अर्थव्यवस्थेमुळे निर्माण झालेल्या आर्थिक संकटाचा सामना करत आहे आणि अनेक विश्लेषकांना वाटते की या वर्षाच्या अखेरीस कर वाढ ही तफावत भरून काढेल.

ऊर्जेच्या बाबतीत, दोघांनी लहान अणुभट्ट्यांच्या क्षमतेवर चर्चा केली, परंतु ऊर्जेच्या इतर स्रोतांवर त्यांच्या भूमिका परस्परविरोधी होत्या.

ट्रम्प यांनी स्टारमर यांना ब्रिटनच्या तेल आणि वायू संसाधनांचा अधिकाधिक वापर करण्याचे आवाहन केले आणि त्यांच्या गोल्फ कोर्सजवळील किनाऱ्यावर असलेल्या ऑफशोअर विंड टर्बाइनवर पुन्हा टीका केली, जे कार्बन-मुक्त ऊर्जा प्रणालीसाठी स्टारमरच्या योजनांचा एक महत्त्वाचा भाग आहेत.

“वारा ही एक आपत्ती आहे,” ट्रम्प म्हणाले. “ही एक खूप महागडी ऊर्जा आहे, ती एक अतिशय कुरूप ऊर्जा आहे आणि आम्ही अमेरिकेमध्ये ती होऊ देणार नाही.”

स्टारमर यांनी उत्तर दिले: “आम्ही एकत्रीकरणावर विश्वास ठेवतो.”

राज्य भेट

धोरणांच्या संदर्भात असणारे मतभेद दूर करून, दोन्ही नेते आता सप्टेंबरमध्ये ट्रम्प यांच्या होणाऱ्या पुढील दौऱ्याची वाट पाहणार आहेत. राजा चार्ल्स यांनी राज्य भेटीसाठी ट्रम्प या यांना आमंत्रित केले आहे.

“मला हे सांगायला आवडत नाही, पण थाटामाट आणि समारंभाच्या बाबतीत कोणीही तुमचा हात धरू शकत नाही,” असे ट्रम्प म्हणाले. “मी राजा चार्ल्सचा यांचा मोठा चाहता आहे. मी त्यांना बऱ्याच काळापासून ओळखतो. ते एक एक उत्तम माणूस, एक उत्तम व्यक्ती आहेत.”

फेब्रुवारीमध्ये स्टारमर यांच्या व्हाईट हाऊस भेटीदरम्यान त्यांनी ट्रम्प यांना दिलेले आलेले आमंत्रण स्वीकारल्यानंतर, ब्रिटनला दोन वेळा राज्य भेट देणारे आधुनिक काळातील पहिले जागतिक नेते म्हणून ट्रम्प यांचा उल्लेख केला जाईल.

“हा एक ऐतिहासिक प्रसंग असणार आहे आणि आपण सर्वजण त्याची खूप उत्सुकतेने वाट पाहत आहोत,” असे स्टारमर म्हणाले.

मे महिन्यात, वॉशिंग्टन आणि लंडनने ट्रम्प यांनी जागतिक आयातींवर लादलेल्या नव्या टॅरिफच्या पार्श्वभूमीवर करण्यात आलेल्या पहिल्या द्विपक्षीय व्यापार कराराची घोषणा यावेळी करण्यात आली.

ट्रम्प यांचा दौरा मंगळवारी संपेल, जेव्हा ते अ‍ॅबरडीनजवळील एका नवीन गोल्फ कोर्सचे उद्घाटन करतील ज्याचे नाव त्यांच्या आई मेरी अ‍ॅन मॅकलिओड यांच्या नावावर असेल. मेरी मॅकलिओड यांचा जन्म आणि पुढील काही वर्षांमधील वास्तव्य स्कॉटिश बेटावर झाले आणि अमेरिकेत स्थलांतर करण्यापूर्वी त्या तिथे होत्या.

टीम स्ट्रॅटन्यूज
(रॉयटर्सच्या इनपुट्ससह)