अमेरिकेचे राष्ट्राध्यक्ष डोनाल्ड ट्रम्प यांनी शनिवारी सांगितले की अमेरिकेने इराणमध्ये “मोठ्या लढाऊ कारवाया” सुरू केल्या असून यात अमेरिकेचे देखील नुकसान होऊ शकते असा इशारा दिला आहे.
ट्रम्प यांनी सांगितले की हे हल्ले इराणी क्षेपणास्त्रे नष्ट करण्यासाठी आणि त्यांच्या नौदलाचा नाश करण्यासाठी आहेत, अमेरिका-इस्रायली वारंवार इशारे देत आले आहेत की जर इराणने त्यांचे आण्विक आणि बॅलिस्टिक क्षेपणास्त्र कार्यक्रम पुढे नेले तर ते पुन्हा हल्ला करतील.
“माझ्या प्रशासनाने या प्रदेशातील अमेरिकन कर्मचाऱ्यांना होणारा धोका कमी करण्यासाठी सर्व शक्य पावले उचलली आहेत. तरीही, आणि मी हे विधान हलक्यात करत नाही, इराणी राजवट मारण्याचा प्रयत्न करत आहे,” असे ट्रम्प यांनी ट्रुथ सोशलवर शेअर केलेल्या व्हिडिओमध्ये म्हटले आहे.
“शूर अमेरिकन वीरांचे प्राण जाऊ शकतात आणि आपल्याकडेही जीवितहानी होऊ शकते, जे अनेकदा युद्धात घडते, परंतु आम्ही हे सध्याच्या फायद्यासाठी करत नाही. आम्ही हे भविष्यासाठी करत आहोत आणि यामागे एक उदात्त ध्येय आहे.”
एपिक फ्युरी (संतापाचा कडेलोट)
अमेरिकन सैन्याने या ऑपरेशनला “एपिक फ्युरी” असे नाव दिले असल्याचे पेंटागॉनने एक्सवर सांगितले.
ट्रम्प गेल्या वर्षी व्हाईट हाऊसमध्ये परतल्यानंतर अमेरिकेने इराणवर हल्ला करण्याची ही दुसरी वेळ आहे. जूनमध्ये वॉशिंग्टनने इराणी आण्विक स्थळांवर पहिल्यांदा हल्ले केले होते.
शनिवारचे हल्ले, पहिल्यापेक्षा वेगळे, अनेक दिवस केले जातील अशी अपेक्षा असल्याचे एका अमेरिकन अधिकाऱ्याने रॉयटर्सला सांगितले.
तेहरान देखील प्रत्युत्तराची तयारी करत आहे, आमचे प्रत्युत्तर जबरदस्त असेल, असे एका इराणी अधिकाऱ्याने रॉयटर्सला सांगितले.
इस्रायली लष्कराने म्हटले आहे की तेहरानने प्रत्युत्तर म्हणून इस्रायलच्या दिशेने क्षेपणास्त्रे डागली आहेत.
ट्रम्प यांनी आपल्या संदेशात इस्लामिक रिव्होल्यूशनरी गार्ड, इराणच्या सशस्त्र दलाच्या सदस्यांना शस्त्रे खाली ठेवण्यास सांगितले आणि त्यांना अभय दिले जाईल असे आश्वासन दिले.
ट्रम्प यांच्या मते दुसरा पर्याय म्हणजे “निश्चित मृत्यू”.
वॉशिंग्टन आणि तेहरानने अलिकडच्या आठवड्यात इराणच्या आण्विक महत्त्वाकांक्षेबद्दल अनेक चर्चा केल्या आहेत. सर्वात अलीकडील चर्चा गुरुवारी कोणताही करार न होता पार पडली.
“इराणने नकार दिला, जसे तो दशकांनुदशके देत आला आहे. त्यांनी त्यांच्या आण्विक महत्त्वाकांक्षा सोडून देण्याची प्रत्येक संधी नाकारली आणि आम्ही ती आता सहन करू शकत नाही,” असे ट्रम्प म्हणाले.
‘सरकार ताब्यात घ्या’
जानेवारीमध्ये दोन आठवड्यांच्या देशव्यापी निदर्शनांमध्ये जेव्हा अधिकाऱ्यांनी हजारो लोकांचा बळी घेतला, राष्ट्राध्यक्षांनी पहिल्यांदा इराणवर हल्ल्याची कल्पना मांडली.
जर इराणी अधिकाऱ्यांनी निदर्शकांना गोळ्या घालून ठार मारले तर अमेरिका त्यांच्या मदतीला येईल, असा इशारा त्यांनी दिला. नंतर ट्रम्प यांनी निदर्शकांना निदर्शने सुरू ठेवण्यास प्रोत्साहित केले आणि सांगितले की मदत येत आहे.
ट्रम्प यांनी आजच्या हल्ल्यांवरील त्यांच्या विधानादरम्यान निदर्शकांच्या हत्येचा उल्लेख केला, इराणी नागरिकांना सुरक्षित ठिकाणी आश्रय घेण्यास सांगितले कारण बॉम्ब “सर्वत्र” पडणार आहेत.
“आमची कारवाई पूर्ण झाल्यावर, तुमचे सरकार ताब्यात घ्या. ते तुम्हाला घ्यायचेच असेल. कदाचित अनेक पिढ्या ज्याची आतुरतेने वाट बघत असतील अशी तुम्हाला मिळालेली ही एकमेव संधी असेल,” असेही ते म्हणाले.
टीम स्ट्रॅटन्यूज
(रॉयटर्सच्या इनपुट्ससह)
