अमेरिकेच्या तटरक्षत दलाने ने शुक्रवारी गोठलेल्या समुद्राच्या पृष्ठभागावर, बेपत्ता झालेल्या अलास्का विमानांचे अवशेष शोधून काढले. गुरुवारी एका अपघातानंतर हे विमान अचानक गायब झाले होते. दरम्यान या घटनेत मृत्यूमुखी झालेल्या सर्व १० प्रवाशांचे मृतदेही युएस कोस्ट गार्डने ताब्यात घेतले आहेत.
तटरक्षक दलाचे प्रवक्ते माईक सालेर्नो, यांनी एका पत्रकार परिषदेत सांगितले की, ”यूएस कोस्ट गार्डच्या दोन बचाव जलतरणपटूंनी ढिगाऱ्याखाली तीन मृतदेह पाहिले. त्यानंतर त्यांनी शोध घेतला असता, अन्य सात मृतदेहही त्याच ढिगाऱ्याखाली असल्याचे त्यांना समजले.
कुणीही वाचले नाही
“दुर्दैवाने, गुरुवारी झालेल्या विमान क्रॅशमध्ये कुणीही वाचले असल्याचे दिसत नाही,” असे सालेर्नो यांनी सांगितले.
नॅशनल ट्रान्सपोर्टेशन सेफ्टी बोर्डाच्या, अलास्का कार्यालयाचे प्रमुख- क्लिंट जॉन्सन यांनी त्याच पत्रकार परिषदेत, 10 लोक मरण पावले असल्याची पुष्टी केली.
“घडलेल्या या दुर्देवी घटनेचा स्विकार करुन,आपल्याला पुढे जाणे भाग आहे”, अशी प्रतिक्रिया बेपत्ता विमानाचे अवशेष आणि १० मृतदेह मिळल्याच्या नंतर जॉन्सन यांनी दिली.
शोधकार्यात हवामानाचा व्यत्यय
‘कडाक्याच्या थंडीमुळे, शोधकार्यात अडथळा निर्माण झाला, तसेच दुर्गम ठिकाणावरून मृतदेह बाहेर काढण्यासाठी काही तास किंवा दिवस लागू शकतात,’ असे तपास अधिकाऱ्यांनी सांगितले.
नोमच्या आग्नेय दिशेला 34 मैल (55 किमी) अंतरावर हे, विमानाचे मलबे सापडल्याची माहिती, तटरक्षक दलाने एका पोस्टद्वारे दिली, ज्यामध्ये बर्फात पडलेल्या अवशेषांचे चित्र आणि रिकव्हरी टीमच्या दोन सदस्यांचा समावेश आहे.
Cessna 208B रडारमधून गायब
Cessna 208B Grand Caravan हे विमान, ज्यामध्ये एक पायलट आणि नऊ प्रौढ प्रवासी होते, ते गुरुवारी स्थानिक वेळेनुसार सुमारे 4 वाजता, Unalakleet कडून मार्गस्थ होण्यापूर्वी हरवले असल्याची माहिती मिळाली. ही घटना अलास्का स्टेट ट्रूपर्सच्या नॉम येथील वेबसाईटवर पोस्ट करण्यात आली. नॉम, एंकोरेजपासून 500 मैल (805 किमी) पेक्षा जास्त उत्तर-पश्चिम दिशेवर स्थित आहे.
तटरक्क दलाने दिलेल्या माहितीनुसार, बअरिंग समुद्राचा भाग असलेल्या नॉर्टन साऊंडच्या बर्फाळ पाण्यातून, सुमारे 12 मैल (19 किमी) लांब ऑफशोअरवर विमान बेपत्ता झाले होते.
जलद उंची गमावली
अलास्कातील तटरक्षक दलाचे अधिकारी- बेन्जामिन मॅकइंटायर-कोबल यांनी सांगितले की, ”रडार डेटानुसार, विमानाने जलद उंची आणि गती दोन्ही गमावले, पण हे नक्की कशामुळे झाले हे सांगता येणार नाही. विमान जेथे अचानक खाली पडले, त्या क्षेत्रातले हवामान खूपच खराब होते.”
हे विमान बेअरिंग एअरद्वारे चालवले जात होते आणि उनलाक्लीट ते नोम पर्यंत 150 मैलांचा प्रवास करत होते, जे नियमितपणे नियोजित प्रवासी उड्डाण जे नॉर्टन साऊंडला जाते. दरम्यान, या दुर्घटनेत मृत पावलेल्या प्रवाशांच्या कुटुंबीयांना याबाबत सूचित केले असून, मृतकांची नावे मात्र अद्याप जाहीर करण्यात आलेली नाहीत.
विमान सुरक्षा तपासणी
ही घटना अमेरिकेत विमान सुरक्षा संदर्भातील वाढत्या तपासणीच्या वेळी घडली आहे. NTSB तपासकऱ्यांनी नुकत्याच झालेल्या दोन अपघातांची तपासणी सुरू केली आहे, ज्यात वॉशिंग्टन डी.सी. मध्ये एक प्रवासी जेट आणि यू.एस. आर्मी ब्लॅक हॉक हेलिकॉप्टरच्या अपघातामुळे 67 लोकांचा मृत्यू झाला, तर फिलाडेल्फियामधील एक वैद्यकीय जेटचा अपघात ज्यात 7 जणांचा मृत्यू झाला होता.
