![](https://bharatshakti.in/wp-content/uploads/2024/03/LT-BSI-Defence.gif")
ताजिकिस्तानच्या अफगाणिस्तान सीमेजवळ झालेल्या सशस्त्र हल्ल्यात चीनचे तीन नागरिक ठार झाले असून, एक जण जखमी झाला असल्याची पुष्टी, चीनच्या दुशानबे येथील दूतावासाने शुक्रवारी केली.
बुधवारी संध्याकाळी, दक्षिण-पश्चिम खटलोन प्रांतात झालेल्या या हल्ल्यामुळे, या प्रदेशात गंभीर सुरक्षा चिंता निर्माण केल्या आहेत.
सीमा भाग सोडण्याचे दूतावासाचे आवाहन
आपल्या निवेदनात, चिनी दूतावासाने ताजिकिस्तानच्या अधिकाऱ्यांना या घटनेची सखोल चौकशी करण्याचे आदेश दिल्याचे आणि या भागातील चिनी नागरिकांची सुरक्षा सुनिश्चित करण्याचे आवाहन केले असल्याचे, म्हटले आहे. दूतावासाने खबरदारी म्हणून, सीमेजवळील सर्व चिनी नागरिकांना आणि कंपन्यांना तातडीने तेथून स्थलांतरित होण्याचे आवाहन केले.
या हल्ल्यासाठी नेमके कोण जबाबदार आहे हे दूतावासाने अद्याप स्पष्ट केले नसले तरी, चीन परिस्थितीवर बारकाईने लक्ष ठेवून आहे आणि स्थानिक अधिकाऱ्यांच्या संपर्कात आहे, असे त्यांनी सांगितले.
अफगाणिस्तानमधून ड्रोनद्वारे हल्ला
ताजिकिस्तानच्या परराष्ट्र मंत्रालयाने सांगितले की, या हल्ल्यामध्ये एलएलसी शाहीन एसएम (LLC Shahin SM) या स्थानिक कंपनीला लक्ष्य करून करण्यात आले असून, अफगाण भूभागातून ग्रेनेडने सज्ज मानवरहित ड्रोन्स पाठवून हा हल्ला करण्यात आला. मंत्रालयाच्या निवेदनानुसार, मृत पावलेले तिन्ही लोक त्या कंपनीचे कर्मचारी होते.
अधिकाऱ्यांनी ड्रोन्स किंवा ते चालवणाऱ्या ऑपरेटरबद्दल अधिक तपशील उघड केलेले नाहीत, तसेच कोणत्याही गटाने अद्याप या हल्ल्याची जबाबदारी स्विकारलेली नाही. काबूलमधील प्रशासनानेही या अहवालांवर कोणतीच प्रतिक्रिया दिलेली नाही.
प्रदेशात वाढत्या सुरक्षेच्या चिंता
अफगाणिस्तानच्या सीमेला लागून असलेला खटलोन प्रदेश, अस्थिरता आणि सीमेपलीकडील हिंसाचाराच्या धोक्यामुळे बऱ्याच काळापासून एक संवेदनशील क्षेत्र मानला गेला आहे. हा हल्ला मध्य आशियातील सततच्या सुरक्षा आव्हानांवर जोर देतो, जिथे चीनने ऊर्जा, बांधकाम आणि पायाभूत सुविधा प्रकल्पांमध्ये आपली गुंतवणूक वाढवली आहे.
बीजिंगने परदेशातील आपल्या नागरिकांवर, विशेषतः अफगाणिस्तानला लागून असलेल्या देशांमधील संभाव्य धोक्यांबद्दल चिंता व्यक्त केली आहे, जिथे अतिरेकी कारवाया अजूनही चिंतेचा विषय आहे. चीन सरकारने अशा प्रकारच्या घटना टाळण्यासाठी मजबूत प्रादेशिक सहकार्याचे आवाहन केले आहे.
टीम स्ट्रॅटन्यूज
(रॉयटर्सच्या इनपुट्ससह)
