Tanzanian opposition leader Freeman Mbowe has been arrested while preparing to lead a peaceful demonstration against extrajudicial killings. This is part of ongoing efforts to suppress opposition voices in the country. Mbowe and his party, Chadema, have been outspoken pic.twitter.com/Q5ZAwZjueJ
— Mzungu Mweusi 🌐 (@KirundaMunir) September 23, 2024
याशिवाय मवानांची कम्युनिकेशन्स लिमिटेड आणि ईस्ट आफ्रिका टीव्ही यांच्या म्हणण्यानुसार, पोलिसांनी निदर्शनांचे वार्तांकन करणाऱ्या त्यांच्या तीन पत्रकारांनाही ताब्यात घेतले. नंतर त्यांची सुटका करण्यात आली, असे दोन्ही कंपन्यांनी सांगितले. त्यांना का अटक करण्यात आली याचे कोणतेही कारण पोलिसांकडून देण्यात आलेले नाही.
यावरील प्रतिक्रियेसाठी पोलिस दलाकडून कोणीही उपलब्ध होऊ शकले नाही.
डिसेंबरमध्ये होणाऱ्या स्थानिक निवडणुका आणि 2025 मध्ये होणाऱ्या राष्ट्रीय निवडणुकीपूर्वी राष्ट्राध्यक्ष सामिया सुलुहु हसन यांचे सरकार विरोधकांना लक्ष्य करीत आहे, असे हक्क प्रचारकांचे म्हणणे आहे.
पोलिसांनी सांगितले की, निदर्शनांच्या आयोजनाची बंदी असूनही त्याचे उल्लंघन केल्याबद्दल एमबोवे आणि लिसूसह 14 जणांना अटक करण्यात आली.
सोमवारी उशिरा, पोलिसांनी म्बोवे, लिसु आणि पक्षाचे इतर वरिष्ठ नेते गोबलेस लेमा आणि बेन्सन किगैला यांची जामिनावर सुटका केली, असे चॅडेमाने आपल्या एक्स खात्यावर सांगितले. मात्र पोलिसांनी त्यांच्यावर कोणत्या आरोपांखाली न्यायालयीन कारवाई करण्याची योजना आखली आहे हे चॅडेमाने स्पष्ट केलेले नाही.
पक्षाने सांगितले की म्बोवे यांची सुटका झाली असली तरी त्यांच्याबरोबर अटक करण्यात आलेल्या इतरांच्या सुटकेची वाट बघत ते पोलिस स्टेशनवरच थांबले होते.
हसनच्या सरकारने यापूर्वी असे जाहीर केले होते की ते लोकशाहीचे रक्षण करतील आणि कोणतीही क्रूरता सहन करणार नाहीत. मात्र सोमवारी घडलेल्या प्रकारानंतर सरकारकडून कोणतीही प्रतिक्रिया देण्यात आलेली नाही.
चॅडेमाने यापूर्वी सांगितल्याप्रमाणे एमबोवे जेव्हा शांततामय मार्गाने निषेध मोर्चाचे नेतृत्व करण्यासाठी आले तेव्हा त्यांना शहराच्या मागोमेनी भागात अटक करण्यात आली. तर दुसरीकडे 11 वाहनांच्या एका ताफ्याने लिस्सू यांना उचलले आणि त्यांना कुठे नेले जात आहे याबाबत काहीही माहिती दिली नाही.
गेल्या महिन्यात शेकडो समर्थकांसह या जोडीला थोड्या काळासाठी अटक करण्यात आली होती. 2016 मध्ये लिसू यांच्यावर 16 गोळ्या झाडून त्यांच्या हत्येचा प्रयत्न केला गेला होता. सुदैवाने ते यातून बचावले.
या महिन्याच्या सुरुवातीला, एका ज्येष्ठ विरोधी पक्ष नेत्याचे बसमधून अपहरण करण्यात आले आणि नंतर त्यांचा मृतदेह सापडला. तपासाअंती त्यांना मारहाण करण्यात आल्याचे तसेच त्यांच्या चेहऱ्यावर ॲसिड फेकण्यात आल्याचे सिद्ध झाले.
रामानंद सेनगुप्ता
(रॉयटर्स)
