पंतप्रधान नरेंद्र मोदी एप्रिलमध्ये श्रीलंका दौऱ्यावर जाणार असल्याची शक्यता वर्तवली जात असून, या भेटीदरम्यान ते शेजारील राष्ट्रासोबत अनेक नवीन आणि महत्वपूर्ण करारांवर स्वाक्षरी करतील, असे एका मिडीया अहवालात म्हटले आहे.
श्रीलंकाच्या परराष्ट्र मंत्री विजिथा हेराथ यांनी न्यूजवायरला सांगितले की, ‘नरेंद्र मोदी एप्रिल महिन्यात श्रीलंका दौरा करतील.’ ‘या दौऱ्यादरम्यान मोदींनी ‘समपूर पॉवर प्लांटचे’ उद्घाटन करणे अपेक्षित आहे,’ असेही त्या म्हणाल्या.
त्यांनी शनिवारी श्रीलंकेच्या संसदेला संबोधित करताना त्यांनी ही घोषणा केली.
भारत-श्रीलंका व्यापार संबंध
भारत फार पूर्वीपासूनच श्रीलंकेच्या सर्वात मोठ्या व्यापार भागीदारांपैकी एक राहिला आहे, तसेच श्रीलंका देखील भारताच्या सर्वात मोठ्या व्यापार भागीदारांपैकी एक आहे, असे श्रीलंकेतील भारतीय उच्चायोगाने सांगितले.
वाणिज्य विभागाच्या (DoC) माहितीनुसार, भारत आणि श्रीलंकेमधील मालमत्ता व्यापार FY, 2023-24 मध्ये 5.5 अब्ज USD (युएस डॉलर्स) पर्यंत पोहोचला होता, ज्यामध्ये भारताची निर्यात 4.1 अब्ज USD इतकी होती आणि श्रीलंकेची निर्यात 1.4 अब्ज USD होती.
द्विपक्षीय व्यापाराला विविध क्रेडिट लाईन्स आणि आवश्यक वस्तूंच्या खरेदीसाठी, क्रेडिट सुविधेद्वारे देखील समर्थन देण्यात आले. FTA च्या कार्यक्षेत्राचा विस्तार करण्यासाठी आणि मूळ नियमांचे बळकटीकरण करण्यासाठी, एक आर्थिक आणि तंत्रज्ञान सहयोग करार (ETCA) प्रस्तावित करण्यात आला, ज्यामध्ये विविध वस्तू आणि सेवांचा समावेश आहे.
जुलै 2023 मध्ये माजी राष्ट्रपती रानिल विक्रमसिंघे यांच्या भेटीनंतर 5 वर्षांनी वाटाघाटी पुन्हा सुरू झाल्या, ज्यामध्ये ETCA वर चर्चा करण्याचा निर्णय घेण्यात आला. आतापर्यंत 14 वाटाघाटी झाल्या आहेत, त्यातील शेवटची चर्चा जुलै 2024 मध्ये कोलंबो येथे झाली.
श्रीलंकेचे सर्वात मोठे व्यापार भागीदार असण्यासोबतच, भारत श्रीलंकेतील ‘परदेशी थेट गुंतवणुक’ (FDI) मधीलही एक मोठा योगदानकर्ता आहे, ज्याची एकूण रक्कम 2023 पर्यंत सुमारे 2.2 अब्ज USD इतकी आहे.
भारताकडून करण्यात आलेली मुख्य गुंतवणूक ऊर्जा, हॉस्पिटॅलिटी, रिअल इस्टेट, उत्पादन, दूरसंचार, बँकिंग आणि वित्तीय सेवा यांमध्ये आहे. भविष्यात, ऊर्जा, बंदरे आणि जहाजबांधणी, अक्षय ऊर्जा, संरक्षण पुरवठा इत्यादी महत्त्वाच्या क्षेत्रातील प्रकल्पांना गती देणे हे प्राधान्य असेल.
टीम स्ट्रॅटन्यूज
(IBNS च्या इनपुट्ससह)
