On his visit to France, India’s National Security Advisor, Shri Ajit Doval, engaged in extensive discussions with French Armed Forces Minister, Mr. Sébastien Lecornu. Their dialogue aimed at deepening bilateral defense cooperation and advancing space collaboration, while also… pic.twitter.com/QZT7iyNYlt
— India in France (@IndiaembFrance) October 1, 2024
या बैठकीनंतर लेकोर्नू यांनी देखील एक्सवर एक पोस्ट टाकली. त्यात ते म्हणतात, “राफेल मरीन, स्कॉर्पीन पाणबुड्या, अंतराळ अशा अनेक विषयांवरील द्विपक्षीय संरक्षण सहकार्य यासोबतच आंतरराष्ट्रीय परिस्थिती, विशेषतः युक्रेनमधील परिस्थितीवर आम्ही चर्चा केली.”
फ्रेंच सरकारने अलीकडेच 26 राफेल सागरी विमानांच्या करारासाठी भारताला अंतिम किंमतीचा प्रस्ताव सादर केला आहे. सूत्रांनी सांगितले की फ्रान्सने भारतीय अधिकाऱ्यांना सर्वोत्तम आणि अंतिम किंमतीचा प्रस्ताव दिला आहे, ज्यात प्रस्तावावर चिकाटीने करण्यात आलेल्या वाटाघाटींनंतर किंमतीत लक्षणीय कपात करण्यात आली आहे.
भारत 26 राफेल-मरीन विमाने, राफेलचे मरीन प्रकार खरेदी करण्याच्या प्रक्रियेत आहे. भारतीय नौदल आपल्या जुन्या ताफ्यातील जहाजांवरील विमाने, विशेषतः मिग-29के, बदलण्याचा विचार करत आहे. राफेल-एम विमाने भारताच्या आयएनएस विक्रांत आणि आयएनएस विक्रमादित्य यांसारख्या विमानवाहू जहाजांवर कार्यरत असतील. राफेल-एम विमानांसाठीचा संभाव्य करार हा भारताच्या सध्या सुरू असलेल्या नौदल आधुनिकीकरण कार्यक्रमाचा एक भाग असून गेल्या आठवड्यात, दोन्ही बाजूंनी या कराराला अंतिम रूप देण्यासाठी प्रदीर्घ वाटाघाटी करण्यात आल्या.
डोवाल यांनी फ्रेंच डिफेन्स प्रोक्योरमेंट एजन्सीचे (डीजीए) महासंचालक इमॅन्युएल चिवा यांची देखील भेट घेतली. या भेटीत त्यांनी फ्रान्सच्या संरक्षण नियोजन आणि खरेदी प्रणाली, संरक्षण सहकार्य आणि भविष्यातील संरक्षण तंत्रज्ञान आणि नवकल्पनांमध्ये नवउद्योजक आणि तंत्रज्ञानाच्या संधींवर सर्वसमावेशक चर्चा केली.
भारत-फ्रान्स धोरणात्मक संवादाच्या दृष्टीने महत्त्वाच्या अशा दोन दिवसांच्या फ्रान्स दौऱ्यादरम्यान, डोवाल यांनी राष्ट्राध्यक्ष इमॅन्युएल मॅक्रॉन यांचे राजनैतिक सल्लागार इमॅन्युएल बोन यांच्याशीही चर्चा केली. या चर्चेत दोन्ही देशांमधील संबंध अधिक दृढ करणे, द्विपक्षीय सहकार्य आणि धोरणात्मक महत्त्व या प्रमुख विषयांचा समावेश होता.
भारतीय दूतावासाने एका वेगळ्या पोस्टमध्ये म्हटले आहे की हा संवाद “इंडो-पॅसिफिक आणि त्यापलीकडे तसेच सायबरपासून अंतराळापर्यंतच्या क्षेत्रांसाठी मोठ्याप्रमाणात विश्वास आणि सोयीची धोरणात्मक भागीदारी तसेच उच्च महत्वाकांक्षा आणि जबाबदाऱ्या अधोरेखित करतो.”
दरम्यान, डोवाल यांनी फ्रान्सचे अध्यक्ष इमॅन्युएल मॅक्रॉन यांची भेट घेतली आणि पंतप्रधान नरेंद्र मोदी यांच्या शुभेच्छा त्यांच्यापर्यंत पोहोचवल्या.
टीम भारतशक्ती
