गुरुवारी, रिपब्लिकन-नियंत्रित अमेरिकन सिनेटने – काश पटेल यांची FBI च्या संचालकपदी नियुक्ती केल्याची घोषणा केली. यानिमित्ताने अध्यक्ष डोनाल्ड ट्रम्प यांचे निष्ठावान समर्थक असलेले आणि FBI चे वारंवार समालोचन करणारे पटेल, यू.एस.च्या सर्वात प्रमुख कायदा अंमलबजावणी संस्थेच्या उच्चपदावर विराजमान झाले. पटेल भारतीय वंशाचे पहिले FBI संचालक ठरले आहेत.
एका स्थलांतरित गुजराती कुटुंबात जन्मलेले, लहानपणापासूनच भारतीय परंपरा आणि हिंदू धर्माचे आचरण करणारे- पटेल, एक भारतीय PIO (Person of Indian Origin)असून, त्यांनी राम मंदिराच्या उभारणीला अनुकूलता दर्शवली होती.
‘FBI संचालक’ ही अत्यंत संवेदनशील आणि महत्त्वाची नियुक्ती आहे. पटेल हे नेहमीच राष्ट्राध्यक्ष डोनाल्ड ट्रम्प यांचे कट्टर समर्थक राहिले आहेत. एका PIO च्या नियुक्तीमुळे, ट्रम्प यांचे मंत्रिमंडळ सर्वसमावेशक असल्याची पुष्टी झाली आहे.
पटेल यांनी X द्वारे आपले मत व्यक्त करत म्हटले आहे की, “FBI ला खूप जुना वारसा लाभला आहे—’G-Men’ पासून ते 9/11 नंतर आपल्या देशाचे रक्षण करण्यापर्यंतचा.
“अमेरिकन लोकांना एक अशी FBI हवी आहे जी पारदर्शक, जबाबदार आणि न्यायासाठी समर्पित असेल.”
“आमच्या न्याय व्यवस्थेच्या राजकीयीकरणामुळे जनतेचा विश्वास उडाला आहे, पण आता ते संपुष्टात येईल,” असे पटेल म्हणाले.
“FBI चे संचालक म्हणून माझे मिशन स्पष्ट आहे. प्रामाणिक पोलिसांना आणि अधिकाऱ्यांना त्यांचे काम करुन देणे आणि FBI वरील विश्वास पुन:प्रस्थापित करणे.”
पटेल यांनी सांगितले की, “ते FBI ला अशी एक संस्था बनवण्यासाठी काम करतील, जिच्याबद्दल अमेरिकन लोकांना अभिमान वाटेल.”
I am honored to be confirmed as the ninth Director of the Federal Bureau of Investigation.
Thank you to President Trump and Attorney General Bondi for your unwavering confidence and support.
The FBI has a storied legacy—from the “G-Men” to safeguarding our nation in the wake of…
— FBI Director Kash Patel (@FBIDirectorKash) February 20, 2025
