ब्रेक्सिटनंतरच्या मासेमारीच्या हक्कांवरील वादाचे निराकरण करण्यासाठी ब्रिटन आणि युरोपियन युनियन मंगळवारी प्रथमच न्यायालयात आमनेसामने आले. युरोपियन युनियनशी असलेले संबंध ‘पुन्हा प्रस्थापित’ करण्याच्या ब्रिटनच्या प्रयत्नांमधील गुंतागुंत यामुळे वाढू शकते.
हेग येथील कायमस्वरुपी लवाद न्यायालयातील तीन जणांची समिती, उत्तर समुद्राच्या पाण्यात सँडईल मासेमारीवर ब्रिटिशांनी घातलेली बंदी EU-UK व्यापार आणि सहकार्य कराराचे (TCA) उल्लंघन करते की नाही यावर दोन्ही बाजूंचे युक्तिवाद तीन दिवस ऐकणार आहे.
एप्रिलमध्ये होणार निर्णय
आर्थिक बाबतीचा विचार करता हे प्रकरण क्षुल्लक आहे. अत्यंत वाईट परिस्थितीत ब्रिटनने बिगर-यू. के. जहाजांच्या महसुलाचे नुकसान 45 दशलक्ष पौंड ($56.3 दशलक्ष) ठेवले आहे. राजकीयदृष्ट्या हे त्रासदायक ठरू शकते.
यामुळे पर्यावरणवादी आणि ब्रेक्साइटर अस्वस्थ होणार आहेत. ते ब्रिटनच्या Labour government वर न झुकण्यासाठी दबाव आणू शकतात. मात्र ही अशी भूमिका घेतली गेली तर ईयुबरोबर संबंध सुधारण्याच्या प्रयत्नांवर पाणी फिरवू शकतात.
ईयु रिट्रीटमध्ये स्टारमर सहभागी होणार
येत्या काही महिन्यांत ब्रिटन इतर क्षेत्रांकडेही लक्ष देईल अशी अपेक्षा आहे. उदाहरणार्थ ईयूबरोबर पशुवैद्यकीय करार ज्यामुळे कृषी आणि अन्नधान्याचा व्यापार सुलभ होईल.
मासेमारी बंदी ‘आवश्यक’
ब्रिटनमधील बोटी लहान ईलसारखे मासे पकडत नाहीत, परंतु सँडईल डॅनिश जहाजांद्वारे पकडले जातात आणि प्राण्यांचे खाद्य आणि तेलाचा स्रोत म्हणून ते वापरले जातात.
ईयुचा असा दावा आहे की ही बंदी भेदभावपूर्ण, असमान आणि उपलब्ध असलेल्या सर्वोत्तम वैज्ञानिक पुराव्यांवर आधारित नाही. टीसीएने मंजूर केलेल्या ब्रिटनच्या हद्दीतील समुद्रात ईयुच्या जहाजांना प्रवेश नाकारून सॅंडईल मासेमारीवर घातलेली बंदी ही अन्यायकारक आहे.
($1 = 0.7998 pounds)
टीम स्ट्रॅटन्यूज
(रॉयटर्स)
