भारतीय तटरक्षक दल आणि इंडोनेशिया तटरक्षक दल (बदान केमनन लॉट रिपब्लिक इंडोनेशिया – बाकामला) यांनी 27 जानेवारी 2025 रोजी नवी दिल्लीतील तटरक्षक मुख्यालयात झालेल्या दुसऱ्या उच्च-स्तरीय बैठकीदरम्यान सागरी सुरक्षा आणि सुरक्षा सहकार्यावरील सामंजस्य कराराचे आणखी तीन वर्षांसाठी नूतनीकरण केले. या बैठकीचे नेतृत्व भारतीय तटरक्षक दलाचे महासंचालक जनरल परमेश शिवमणी आणि बाकामलाचे चीफ व्हाईस ॲडमिरल इरवांस्याह यांच्या नेतृत्वाखाली आठ सदस्यीय शिष्टमंडळाने केले. सामंजस्य करारातील तरतुदींनुसार 24 ते 28 जानेवारी 2025 या कालावधीत हे शिष्टमंडळ भारताच्या अधिकृत दौऱ्यावर आले होते.
सागरी शोध आणि बचाव, प्रदूषण प्रतिसाद आणि सागरी कायद्याची अंमलबजावणी यांसारख्या क्षेत्रांमध्ये परिचालनात्मक सहकार्याला चालना देण्यावर बैठकीत चर्चा झाली. दोन्ही देशांनी हिंद-प्रशांत क्षेत्राची सुरक्षा आणि लवचिकता वाढवण्यासाठी सर्वोत्तम पद्धती सामायिक करण्यावर आणि व्यावसायिक आदानप्रदान कायम राखण्यावर भर दिला.
दोन्ही देशांमधील संबंध अधोरेखित करत बाकामला सोबत परिचालन संबंध मजबूत करण्यासाठी भारतीय तटरक्षक दलाचे जहाज शौनक 27 ते 30 जानेवारी 2025 या कालावधीत जकार्ता येथे तैनात आहे.
प्रादेशिक सागरी आव्हानांचा सामना करण्यासाठी त्यांची भागीदारी आणखी मजबूत करण्यासाठी सुरक्षित आणि सहकारी सागरी वातावरण सुनिश्चित करण्यासाठी भारत आणि इंडोनेशियाच्या सामायिक वचनबद्धतेला नूतनीकरण केलेल्या सामंजस्य कराराने दुजोरा दिला आहे.
टीम भारतशक्ती
