![](https://bharatshakti.in/wp-content/uploads/2024/03/LT-BSI-Defence.gif")
TikTok चे मालकी हक्क असलेली चिनी कंपनी ByteDance ने, अमेरिकेतील डेटा सुरक्षित करण्यासाठी आणि ॲपवरील बंदी टाळण्यासाठी, बहुसंख्य अमेरिकन मालकी असलेला संयुक्त उपक्रम स्थापन करण्याचा करार पूर्ण झाल्याची घोषणा केली आहे.
राष्ट्राध्यक्ष डोनाल्ड ट्रम्प यांनी 2020 मध्ये जेव्हा पहिल्यांदा या ॲपवर बंदी घालण्याचा प्रयत्न केला होता, तेव्हापासून सुरू असलेल्या प्रदीर्घ संघर्षानंतर, या सोशल मीडिया कंपनीसाठी हा करार म्हणजे हा एक मैलाचा दगड मानला जात आहे. त्यानंतर, 2024 मध्ये मंजूर झालेल्या कायद्याची अंमलबजावणी न करण्याचा निर्णय ट्रम्प यांनी घेतला; ज्या कायद्यानुसार बाइटडान्स कंपनीला जानेवारीपर्यंत आपली सर्व अमेरिकन मालमत्ता विकणे किंवा मग बंदीला सामोरे जाणे क्रमप्राप्त होते.
ट्रम्प यांनी सोशल मीडिया पोस्टद्वारे या कराराचे कौतुक केले आणि आनंद व्यक्त केला की, “आता या ॲपची मालकी जगातील सर्वात मोठ्या आणि महान अमेरिकन देशभक्त आणि गुंतवणूकदारांच्या गटाकडे असेल.”
त्यांनी चीनचे राष्ट्राध्यक्ष शी जिनपिंग यांचे आभार मानताना म्हटले की, “आमच्यासोबत काम केल्याबद्दल आणि अखेरीस या कराराला मंजुरी दिल्याबद्दल धन्यवाद. ते वेगळा निर्णय घेऊ शकले असते, परंतु त्यांनी तसे केले नाही, त्यांच्या या निर्णयाचे कौतुक आहे.”
अल्पांश मालकी
करारानुसार, अमेरिकन आणि जागतिक गुंतवणूकदारांकडे या उपक्रमाची 80.1% मालकी असेल, तर बाइटडान्सकडे 19.9% हिस्सा राहील. ट्रम्प यांनी गेल्यावर्षी म्हटले होते की, हा करार 2024 च्या कायद्यानुसार मालकी-विक्रीच्या (divestiture) अटींची पूर्तता करतो.
सूत्रांनी दिलेल्या माहितीनुसार, हा संयुक्त उपक्रम अमेरिकन कंपनीसाठी ‘बॅकएंड ऑपरेशन्स’ म्हणून काम करेल आणि अमेरिकन युजर्सचा डेटा हाताळेल. परंतु, महसूल मिळवून देणाऱ्या व्यावसायिक ऑपरेशन्सवर बाइटडान्सचेच नियंत्रण असेल. या उपक्रमाला केवळ तंत्रज्ञान आणि डेटा सेवांसाठी महसुलाचा एक हिस्सा मिळेल.
सप्टेंबरमध्ये व्हाईट हाऊसने जाहीर केले होते की, हा उपक्रम अमेरिकेतील टिकटॉक ॲप चालवेल. तथापि, संबंधित पक्षांनी बाइटडान्स आणि या उपक्रमातील व्यावसायिक संबंधांसारखे अधिक तपशील अद्याप उघड केलेले नाहीत.
हा उपक्रम अमेरिकेतील वापरकर्त्यांच्या डेटावर आधारित TikTok चा कंटेंट शिफारस (recommendation) अल्गोरिदम पुन्हा प्रशिक्षण देईल आणि अद्ययावत करेल. हा डेटा Oracle च्या अमेरिकेतील क्लाऊडमध्ये सुरक्षित ठेवला जाईल.
करारातील घटक
टिकटॉकने या उपक्रमातील गुंतवणूकदार म्हणून डेल फॅमिली ऑफिस, वास्टमेअर स्ट्रॅटेजिक इन्व्हेस्टमेंट्स, अल्फा वे पार्टनर्स, रिव्होल्यूशन, मेरिट वे, व्हाय नोव्हा, व्हिर्गो एलआय आणि एनजेजे कॅपिटल यांची नावे जाहीर केली आहेत.
टिकटॉक यूएसडीएसचे माजी कार्यकारी अधिकारी ॲडम प्रेसर आणि विल फॅरेल यांची अनुक्रमे मुख्य कार्यकारी अधिकारी (CEO) आणि मुख्य सुरक्षा अधिकारी (CSO) म्हणून नियुक्ती करण्यात आली आहे. टिकटॉकचे जागतिक व्यवसाय आणि धोरणाचे नेतृत्व करणारे सीईओ शाऊ च्यु यांचाही, या उपक्रमाच्या संचालक मंडळात समावेश करण्यात आला आहे.
गेल्यावर्षी ट्रम्प यांनी म्हटले होते की, हा करार 2024 च्या कायद्यानुसार आवश्यक असलेल्या मालकी-विक्रीच्या अटी पूर्ण करतो. व्हाईट हाऊसने सप्टेंबरमध्ये जाहीर केले होते की, हा उपक्रम टिकटॉकचे अमेरिकन ॲप चालवेल. हितसंबंधित पक्षांनी कराराचे काही घटक, जसे की उपक्रम आणि बाइटडान्स यांच्यातील व्यावसायिक संबंध अद्याप उघड केलेले नाहीत.
डोनाल्ड ट्रम्प यांच्या खासगी टिकटॉक अकाउंटवर त्यांचे 1.6 कोटींपेक्षा अधिक फॉलोअर्स असून, पुनर्निवडणूक जिंकण्यासाठी आपल्याला या ॲपची मदत झाली असल्याचे श्रेय त्यांनी दिले आहे. 22 डिसेंबर रोजी, ट्रम्प यांनी टिकटॉककडून एक दस्तऐवज प्राप्त झाला होता, ज्यामध्ये ते या ॲपवर किती लोकप्रिय आहेत हे दाखवण्यात आले होते. यामध्ये न्यूयॉर्क टाइम्सने या महिन्यात प्रसिद्ध केलेले छायाचित्र देखील होते. व्हाईट हाऊसने ऑगस्टमध्ये अधिकृत टिकटॉक खाते देखील सुरू केले आहे.
टीम स्ट्रॅटन्यूज
(रॉयटर्सच्या इनपुट्ससह)
