भारत अमेरिकेकडून एफ-35 लढाऊ विमानांच्या संभाव्य खरेदीबाबत खुल्या मनाने विचार करेल. मात्र यासंदर्भात अजून तरी कोणताही औपचारिक प्रस्ताव देण्यात आलेला नसून अमेरिका विमान उपलब्ध करून देण्यासाठी रोडमॅप तयार करत आहेत असे संरक्षण सचिव राजेश कुमार सिंग यांनी सोमवारी सांगितले.
‘अद्याप प्रस्ताव आलेला नाही. ते (ट्रम्प) म्हणाले की ते एफ-35 उपलब्ध करून देण्यासाठी रोडमॅप पाहतील. प्रस्ताव औपचारिकपणे सादर झाल्यानंतर आम्ही त्याचे मूल्यमापन करू. कोणत्याही परिस्थितीत, आमची खरेदी एका संरचित प्रक्रियेचे अनुसरण करते जिथे सशस्त्र दलांच्या गरजा पूर्ण करणे आवश्यक असते. अशा प्रकारचा पर्याय तयार करणे आमच्यासाठी महत्त्वाचे आहे आणि आम्ही नक्कीच त्याकडे खुल्या मनाने पाहू “, असे सिंग यांनी एएनआयला सांगितले.
भारताचे संरक्षण अधिग्रहण नियोजित वाटपासह सुस्पष्ट खरेदी प्रक्रियेद्वारे निर्देशित केले जाते यावर त्यांनी भर दिला. सिंह यांनी भारताच्या भरीव संरक्षण अर्थसंकल्पावर प्रकाश टाकला आणि सांगितले की, पुढील आर्थिक वर्षासाठी 1कोटी 80 लाख रुपयांची तरतूद करण्यात आली आहे, तर चालू वर्षासाठी 1 कोटी 60 लाख रुपयांची तरतूद करण्यात आली आहे.
संरक्षण मंत्रालयाकडे लढाऊ विमाने, पाणबुड्या आणि क्षेपणास्त्रांसह मोठ्या खरेदीसाठी योजना आहे. मात्र, खरेदी प्रक्रिया पूर्ण झाल्यानंतरच याची घोषणा केली जाईल, असेही ते म्हणाले.
पंतप्रधान नरेंद्र मोदी यांच्या अमेरिका दौऱ्यादरम्यान राष्ट्राध्यक्ष डोनाल्ड ट्रम्प यांनी संयुक्त पत्रकार परिषदेत सांगितले की, दोन्ही देशांमधील संरक्षण विक्रीत कोट्यवधी डॉलर्सची वाढ होईल आणि त्यांचे प्रशासन भारताला एफ-35 विमानांचा पुरवठा करण्याचा मार्ग मोकळा करत आहे.
“या वर्षीपासून आम्ही भारताला होणाऱ्या लष्करी विक्रीमध्ये कोट्यवधी डॉलर्सची वाढ करणार आहोत. आम्ही भारताला एफ-35 स्टील्थ लढाऊ विमाने देण्याचा मार्गही मोकळा करत आहोत,” असे ट्रम्प म्हणाले.
लॉकहीड मार्टिनचे एफ-35 हे जागतिक स्तरावर सर्वाधिक प्रमाणात तैनात केलेले fifth generation लढाऊ विमान आहे. हे त्याच्या प्रगत stealth, avionics, and combat capabilities साठी ओळखले जाते.
टीम भारतशक्ती
