कोलकाता आणि आसपासच्या भागांमध्ये दुर्गा पूजेचे वेध लागलेले असताना, त्याआधी झालेल्या मुसळधार पावसामुळे किमान 12 जणांचा मृत्यू झाला आहे, अशी माहिती बुधवारी स्थानिक अधिकाऱ्यांनी दिली. प्रचंड प्रमाणात झालेल्या पावसामुळे अनेक ठिकाणचे रस्ते पाण्याखाली गेले, वाहतूक व्यवस्था कोलमडली आणि नागरिक तासन्‌तास अडकून पडले.
भारतीय हवामान विभागाचे (IMD) कोलकातामधील विभागीय प्रमुख- एच.आर. बिस्वास यांनी सांगितले की, ‘मंगळवारी पहाटेच्या सुमारास सर्वाधिक प्रमाणात पाऊस पडला आणि 24 तासांत 251.6 मिमी (9.9 इंच) पावसाची नोंद झाली, जी 1988 नंतरची सर्वाधिक आहे.’
पोलीस सूत्रांनी सांगितले की, “कोलकातामध्ये अतिवृष्टीमुळे 9 जणांचा मृत्यू झाला असून, त्यातील बहुतांश मृत्यू विद्युतप्रवाहाच्या झटक्याने झाले, तर उर्वरित 2 जण बुडून मरण पावले.”
हा पाऊस, पश्चिम बंगालमधील सर्वात मोठा वार्षिक सण- अर्थात दुर्गा पूजेच्या तयारीवर परिणाम करतो आहे. सणासाठी बांबू आणि इतर साहित्य वापरून उभारण्यात आलेले पंडाल, तसेच मातीच्या मूर्तींचे अनेक ठिकाणी पावसामुळे नुकसान झाले आहे.
काही भागांत तर रस्ते कमरेपर्यंत पाण्याखाली गेले होते, त्यामुळे वाहने अडकली आणि नागरिकांना पाण्यातून चालत प्रवास करावा लागला.
रस्ते, रेल्वे आणि विमान वाहतूक यांवरही मोठा परिणाम झाला, अनेक उड्डाणे व गाड्या रद्द किंवा उशिरा धावल्या. वीजपुरवठा खंडित झाल्यामुळे अनेक भागांत नागरिकांचे हाल झाले.
“माझे विमान रद्द झाले आणि रस्ते सगळे पाण्याखाली असल्यामुळे मी हॉटेलमध्येच अडकून पडलो,” असे पाणी आणि हवामान विषयक तज्ज्ञ रंजन पांडा यांनी सांगितले.
प्रशासनाने रस्ते आणि रेल्वेमार्ग वाऱ्यावरून साफ करण्यासाठी पंप लावले आहेत, तसेच अन्नवाटप आणि आपत्कालीन सेवा सुरू केल्या आहेत, असे त्यांनी सांगितले.
अजून पावसाचा इशारा
IMD ने, पुढील काही दिवसांमध्ये राज्यात आणि पूर्व भारतात अधिक पावसाचा अंदाज व्यक्त केला आहे. हा पाऊस बंगालच्या उपसागरावर तयार झालेल्या कमी दाबाच्या पट्ट्यामुळे होणार आहे.
राज्य सरकारने, बुधवार आणि गुरुवारच्या सणाच्या सुट्ट्यांपूर्वीच शाळा व इतर शैक्षणिक संस्थांना सुट्टी जाहीर केली आहे. शुक्रवारपासून सणाच्या अधिकृत सुट्ट्या सुरू होणार आहेत.
अधिकार्‍यांनी सांगितले की, ‘बुधवारी संध्याकाळपर्यंत परिस्थिती सामान्य होण्याची शक्यता आहे. मात्र, खालच्या भागांमधील पाण्याचा स्तर हळूहळू कमी होईपर्यंत नागरिकांनी सावध राहण्याचे आवाहन करण्यात आले आहे.’
“फक्त चार तासांच्या पावसानंतरही अशी परिस्थिती उद्भवू नये होती. पश्चिम बंगालची अवस्था चांगली नाही,” असे कोलकातामधील रहिवासी संदीप घोष यांनी ANI वृत्तसंस्थेला सांगितले. (Reuters या संस्थेचा ANI मध्ये काही हिस्सा आहे.)
टीम स्ट्रॅटन्यूज
(रॉयटर्सच्या इनपुट्ससह)
