![](https://bharatshakti.in/wp-content/uploads/2024/03/LT-BSI-Defence.gif")
पूर्व आशियातील संभाव्य संकटांदरम्यान, मित्र राष्ट्रांशी समन्वय आणि संवाद सुधारण्यासाठी, शस्त्रास्त्रे व पुरवठा वाहतूक करणाऱ्या अमेरिकन लष्करी विभागाकडून सराव (US Military Drill) आयोजित केला जाणार आहे, अशी माहिती या विभागाचे कमांडर रँडाल रीड यांनी शुक्रवारी दिली.
दक्षिण चीन समुद्रातील वादग्रस्त भागांमध्ये आणि चीनच्या दाव्याखालील तैवानच्या आसपास वाढणाऱ्या चीनच्या आक्रमक भूमिकेमुळे, अमेरिकेसह या भागातील मित्र राष्ट्रांमध्ये चिंतेचे वातावरण आहे आणि त्यामुळे एकत्रित लष्करी सराव नियमितपणे केला जात आहे.
यू.एस. ट्रान्सपोर्टेशन कमांड (TRANSCOM) ही युनिट जगभरात जमीन, आकाश व समुद्र मार्गे शस्त्रास्त्रे आणि इतर उपकरणांची आगाऊ ने-आण समन्वित करते, तसेच संघर्षाच्या परिस्थितीत लागणारा पुरवठाही करते.
पूर्व आशियाच्या दौऱ्यावर असताना TRANSCOM चे कमांडर रँडाल रीड यांनी, पत्रकारांशी बोलताना सांगितले की, “या भागात अमेरिका आपली मदत लवकर पोहोचवू शकेल, तसेच शांतता व सुरक्षिततेसाठी असलेले धोके रोखता येतील, यासाठी भागातील देशांशी संबंध टिकवणे आणि वाढवणे अत्यावश्यक आहे.”
कमांडर रीड म्हणाले की, “आपण अनेक लष्करी सराव करणार आहोत आणि सध्याच्या लॉजिस्टिक पायाभूत सुविधांची आणि स्थापनेची चाचणी घेणार आहोत, ज्यामुळे आमच्या हालचालींना कायमस्वरूपी स्वातंत्र्य मिळेल.” (ते टेलिकॉन्फरन्सद्वारे बोलत होते.) त्यांनी अद्याप सरावाचे ठिकाण किंवा वेळ स्पष्ट केलेली नाही.
त्यांनी पुढे सांगितले की, “या सरावाचा उद्देश म्हणजे आमची ही क्षमता दाखवणे, की आम्ही किती लवकर अमेरिकेतून दलांची तैनाती करू शकतो आणि या भागात विविध ठिकाणी ते पोहोचवू शकतो, या सरावांपैकी एकाचे नाव आहे Mobility Guardian.”
“या मोहिमांमुळे मित्र राष्ट्रांबरोबर रणनिती, तंत्र आणि कार्यपद्धतींची चाचणी घेता येईल आणि एकमेकांशी अधिक प्रभावीपणे संपर्क साधता येईल,” असे त्यांनी स्पष्ट केले.
“या सरावामुळे संबंध अधिक दृढ होतील आणि आपण आत्तापेक्षा जास्त जवळून एकत्र काम करू शकू, ज्यामुळे विभागीय सुरक्षा अधिक मजबूत होईल,” असेही रीड यांनी सांगितले.
या दौऱ्यात कमांडर रीड यांनी, नुकतीच जपान आणि फिलिपाइन्सला भेट दिली असून, ते लवकरच दक्षिण कोरियालाही भेट देतील. हे सर्व देश अमेरिकेचे संविदानुसार सहयोगी (treaty allies) आहेत.
मनीलाच्या लष्कराने गुरुवारी सांगितले की, ‘फिलिपाइन्स आणि अमेरिका यांनी दक्षिण चीन समुद्रात एकत्र नौदल सराव सातव्यांदा केला असून, या सरावाचा उद्देश म्हणजे दोन्ही देशांच्या नौदलांमधील परस्परकार्यक्षमतेत वाढ करणे.’
टीम स्ट्रॅटन्यूज
(रॉयटर्सच्या इनपुट्ससह)
