भारताने पाकिस्तान आणि पाक-व्याप्त काश्मीरमधील दहशतवादी तळांवर केलेल्या ‘Operation Sindoor’ कारवाईला इस्रायलने ठाम पाठिंबा दर्शवला आहे.
इस्रायलचे भारतातील राजदूत रूवेन अझार यांनी X वर पोस्ट करत म्हटले आहे की: “भारताच्या आत्मसंरक्षणाच्या हक्काला इस्रायलचा पूर्ण पाठिंबा आहे.”
“दहशतवाद्यांनी हे समजून घ्यावे की, निरपराधांवर केलेल्या त्यांच्या क्रूर अपराधांपासून ते लपून राहू शकत नाहीत,” असा कठोर संदेश त्यांनी पोस्टद्वारे दिला आहे.
ऑपरेशन सिंदूर: अचूक कारवाई
बुधवारी पहाटे, भारतीय सशस्त्र दलांनी ‘ऑपरेशन सिंदूर’ अंतर्गत पाकिस्तान आणि पाकिस्तान-व्याप्त काश्मीरमधील अनेक दहशतवादी ठिकाणांवर अचूक हल्ले केले.
ही कारवाई २२ एप्रिल रोजी, जम्मू-काश्मीरच्या पहलगाममध्ये २६ लोकांच्या, विशेषतः हिंदू पर्यटकांच्या, निर्घृण हत्येचा बदला घेण्यासाठी करण्यात आली.
याविषयी संरक्षण मंत्रालयाने प्रसिद्ध केलेल्या निवेदनात म्हटले आहे की: “भारतीय सशस्त्र दलांनी ‘ऑपरेशन सिंदूर’ सुरू केले असून, पाकिस्तान आणि पाकिस्तानव्याप्त जम्मू-काश्मीरमधील दहशतवादी पायाभूत सुविधांवर हल्ला केला आहे, जिथून भारताविरुद्धचे हल्ले नियोजित व अंमलात आणले जात होते.”
PIB च्या निवेदनानुसार, ही कारवाई अलीकडच्याच वेळेत करण्यात आली असून, एकूण नऊ ठिकाणांवर हल्ले करण्यात आले. हल्ल्यांचा उद्देश भारतावर हल्ले करणाऱ्या दहशतवादी गटांना निष्प्रभ करणे हा होता.
अधिकाऱ्यांनी स्पष्ट केले की, “ही कारवाई मर्यादित, मोजकी, आणि नागरिकांची हानी टाळणारी (non-escalatory) होती. पाकिस्तानी लष्करी ठिकाणे टाळण्याचा निर्णय जाणूनबुजून घेण्यात आला.”
“भारताने लक्ष्यांच्या निवडीत आणि कारवाईच्या पद्धतीत लक्षणीय संयम दाखवला आहे,” असे निवेदनात नमूद आहे.
पहलगाम दहशतवादी हल्ला
२२ एप्रिल रोजी, जम्मू-काश्मीरमधील बईसारन पठारावर झालेल्या दहशतवादी हल्ल्यात बहुतेक हिंदू पर्यटकांसह २६ जणांचा निर्घृण खात्मा करण्यात आला.
हल्लेखोर द रेसिस्टन्स फ्रंट (TRF) या गटाचे होते, जो पाकिस्तानस्थित लष्कर-ए-तोयबाचा एक सहयोगी गट आहे.
हल्लेखोरांनी बळींना इस्लामी कलमा म्हणण्यास भाग पाडले आणि कपडे उतरवून त्यांच्या धर्माची खात्री घेतली (लिंगसुंचन तपासून) आणि नंतर त्यांच्या कुटुंबियांसमोर त्यांच्यावर गोळ्या झाडल्या.
या नरसंहारामुळे संपूर्ण देशात संताप उसळला होता आणि भारताने या हल्ल्याचा बदला घेण्याची प्रतिज्ञा केली होती, जी त्याने यशस्विरित्या त्याने पूर्ण करुन दाखवली.
टीम स्ट्रॅटन्यूज
(IBNS च्या माहितीसह)
