एआय शर्यतीचा पुढचा टप्पा प्रमाण, पायाभूत सुविधा आणि वास्तविक जगाच्या प्रभावानुसार ठरवला जाईल, असा युक्तिवाद करत ब्रिटनचे माजी पंतप्रधान ऋषी सुनक यांनी बुधवारी कृत्रिम बुद्धिमत्तेच्या वापरामध्ये भारत जागतिक आघाडीवर असल्याचे सांगितले.
ऑब्झर्व्हर रिसर्च फाऊंडेशन आणि इतर भागीदारांच्या सहकार्याने कार्नेगी इंडियाने आयोजित केलेल्या इंडिया एआय इम्पॅक्ट शिखर परिषदेच्या निमित्ताने ‘एआय फॉर ऑलः रिइमेजिनिंग ग्लोबल कोऑपरेशन’ या कार्यक्रमात बोलताना सुनक म्हणाले की, भारताची आघाडी केवळ नाविन्यपूर्णतेमध्ये नाही तर लोकसंख्येच्या प्रमाणात तंत्रज्ञान कार्यान्वित करण्याच्या क्षमतेत आहे.
आधार, यूपीआय आणि आयुष्मान भारत या भारताच्या डिजिटल सार्वजनिक पायाभूत सुविधांकडे त्यांनी मूलभूत ‘वितरण मार्ग’ म्हणून लक्ष वेधले, ज्यामुळे एआयचा उपाय लाखो लोकांपर्यंत वेगाने, सुरक्षितपणे आणि सर्वसमावेशकपणे पोहोचू शकतो. ही क्षमता फक्त काही देशांकडेच आहे.
पाश्चिमात्य देशांशी भारताच्या दृष्टिकोनाची तुलना करताना सुनक म्हणाले की, युरोप आणि उत्तर अमेरिकेतील एआयशी संबंधित वादविवादांना रोजगार आणि आर्थिक व्यत्ययाबद्दलच्या चिंतेने अधिकाधिक आकार दिला जात आहे, तर भारताने आत्मविश्वास आणि संस्थात्मक सज्जतेसह मोठ्या प्रमाणात याचा सार्वजनिक स्वीकार केला आहे.
एआयची ज्ञान क्षमता वाढवण्याची क्षमता मानवी निर्णयाशी जुळली पाहिजे असा इशारा देत, विश्वास निर्माण करण्यासाठी मजबूत सुरक्षा संस्था आणि सरकारी देखरेखीचे आवाहन करत सुनक म्हणाले, “ज्ञान हे शहाणपणासारखे नाही”.
नियमन, भांडवल आणि संगणकीय शक्तीच्या माध्यमातून जागतिक एआय निकषांना आकार देण्यासाठी वॉशिंग्टन आणि बीजिंग यांच्यात स्पर्धा सुरू असताना, सुनक यांच्या वक्तव्यांनी एक धोरणात्मक वास्तव अधोरेखित केलेः भारताचा फायदा बाजू निवडण्यात नाही तर प्रमाणानुसार मानके निश्चित करण्यात आहे. अमेरिकेचे नावीन्यपूर्ण वर्चस्व आणि चीनचे राज्य-चालित तंत्रज्ञान मॉडेल यांच्यात विभागलेल्या जगात, भारताची लोकसंख्या-प्रमाणातील उपयोजन आणि डिजिटल सार्वजनिक पायाभूत सुविधा त्याला उदयोन्मुख एआय क्रमवारीतील निर्णायक तिसरा स्तंभ म्हणून स्थान देतात.
अनुकृती


























