पाकिस्तानने गुरुवारी रात्री पुन्हा एकदा भारतावर आक्रमण केले आणि त्याची मोठी किंमत त्यांना मोजावी लागली. आदल्या रात्री पाकिस्तानने केलेले क्षेपणास्त्र हल्ले भारतीय सैन्याने सतर्क राहून हाणून पाडले आणि प्रत्युत्तर म्हणून काल दिवसभर पाकिस्तानमधील अनेक लष्करी ठिकाणांवर हल्ले केले. भारतीय कामिकाझे ड्रोनने देशाच्या दक्षिणेकडील कराची येथे असलेल्या लक्ष्यांना नष्ट करण्यासाठी उड्डाण केले. हे ड्रोन रावळपिंडीपर्यंत उड्डाण करत गेले, जिथे पाकिस्तानी सैन्याचे सर्वशक्तिमान जनरल मुख्यालय (GHQ) आहे.
या छाप्यांदरम्यान, पाकिस्तानी सैन्याच्या हवाई संरक्षण दलाचे मोठे नुकसान झाले असून त्यांनी चीनकडून मिळवलेल्या काही उच्च दर्जाच्या हवाई संरक्षण प्रणाली गमावल्या.
दिवसभराच्या या धामधुमीनंतर सूर्यास्त झाल्यानंतर, पाकिस्तानी सैन्याने पुन्हा आपले हल्ले सुरू केले. बुधवारी रात्री अवंतीपुरा, श्रीनगर, जम्मू, पठाणकोट, अमृतसर, कपूरथला, जालंधर, लुधियाना, आदमपूर, भटिंडा, चंदीगड, नल, फलोदी, उत्तरलाई आणि भुज येथील हल्ले अपयशी ठरल्यानंतर, पाकिस्तानी सैन्याने गुरुवारी पुन्हा आपले नशीब आजमावले, परंतु त्यांना परत एकदा तेच निकाल मिळाले.
पाकिस्तानी सैन्याने नियंत्रण रेषा (LoC) आणि आंतरराष्ट्रीय सीमेवरील (IB) विविध लष्करी ठिकाणांवर ड्रोन आणि क्षेपणास्त्र हल्ले सुरू केले. पाकिस्तानचे हे अयशस्वी हल्ले जम्मू – काश्मीरपासून पंजाब आणि नंतर राजस्थानपर्यंत पसरले. प्रसिद्ध S400, आकाश आणि इतर हवाई संरक्षण शस्त्र प्रणालींनी शत्रूच्या प्रक्षेपणांना तोंड दिले आणि त्यांना त्यांच्या लक्ष्यापासून दूर हवेतच नष्ट केले. सैन्याने असेही म्हटले आहे की अयशस्वी हल्ले परतवून लावण्यासाठी soft kill किंवा non-kinetic weapons देखील वापरली गेली.
परिस्थिती अजूनच बिकट होत असताना, पाकिस्तानी सैन्याने दोन JF-17 विमाने गमावली असल्याची घोषणा त्यांनी केली. भारतीय हवाई संरक्षण यंत्रणेच्या मजबूततेमुळे दोन पाकिस्तानी F-16 विमानेही गमावल्याचे वृत्त असून पाकिस्तानचे एक AWACS विमान पाडल्याचेही सांगितले जाते. या सर्व हवाई हल्ल्यांमध्ये भारताच्या बाजूने कोणतेही नुकसान झाले नाही.
टीम भारतशक्ती
