![](https://bharatshakti.in/wp-content/uploads/2024/03/LT-BSI-Defence.gif")
सेंट्रल इंटेलिजेंस एजन्सीचे (सीआयए) संचालक जॉन रॅटक्लिफ यांच्याशी आपले टेलिफोनवर बोलणे झाल्याचे आणि आपण कधीही एकमेकांना फोन करण्याचे मान्य केले असल्याचा दावा रशियन गुप्तचर प्रमुख सर्गेई नारिश्किन यांनी केला असल्याचा रविवारी प्रकाशित झालेल्या बातम्यांमध्ये म्हटले आहे.
केजीबीच्या प्रसिद्ध फर्स्ट चीफ डायरेक्टरेटचे उत्तराधिकारी सीआयए आणि रशियाची फॉरेन इंटेलिजेंस सर्व्हिस (SVR) हे दीर्घकाळापासून कट्टर प्रतिस्पर्धी आहेत. 2022 मध्ये युक्रेनवरील रशियन आक्रमणानंतर प्रत्येक सेवेने एजंट भरती करण्यासाठी सार्वजनिक मोहिमा राबवल्या आहेत.
SVR चे संचालक नारिश्किन यांनी क्रेमलिनच्या सरकारी टेलिव्हिजन रिपोर्टर पावेल झारुबिन यांना सांगितले की त्यांचा सीआयएच्या रॅटक्लिफशी फोनवर बोलणे झाले असून त्यांनी एकमेकांना फोन करून हिताच्या मुद्द्यांवर चर्चा करण्याचे मान्य केले आहे.
“माझा माझ्या अमेरिकन समकक्षाशी फोनवर संपर्क झाला होता आणि आम्ही एकमेकांना कधीही फोन करून आमच्या हिताच्या मुद्द्यांवर चर्चा करण्याची शक्यता राखून ठेवली होती,” असे नारिश्किन यांनी झारुबिन यांना सांगितले.
रशियन माध्यमांनुसार, नारीश्किनचा सीआयए संचालकांशी शेवटचा माहिती असलेला कॉल मार्च 2025 मध्ये झाला होता.
SVR आणि त्याच्या पूर्वसूरींनी अमेरिकेच्या इतिहासातील काही सर्वात हानिकारक एजंट म्हणून ओळख असलेल्या काही एजंट्सच्या संदर्भात चर्चा केली, ज्यात सोव्हिएत संघाला आण्विक गुपिते मिळविण्यात मदत करणारे ज्युलियस रोसेनबर्ग आणि हजारो अमेरिकन गुपिते उघड करणारे रॉबर्ट हॅन्सन आणि आल्ड्रिच एम्स यांचा समावेश आहे.
दोन्ही देशांच्या राष्ट्रपतींमध्ये बऱ्यापैकी निरोगी संबंध असूनही, दोन्ही देशांमधील वैर कायम आहे. ट्रम्प पुन्हा एकदा अध्यक्ष म्हणून पदावर आले आहेत त्या काळात, रशिया आणि युक्रेनमधील संभाव्य शांतता प्रस्थापित होण्याच्या दिशेने प्रयत्न होतील अशी अपेक्षा होती. मात्र, आतापर्यंत त्यात फारशी प्रगती झालेली नाही.
मात्र दोन्ही देशांच्या गुप्तचर प्रमुखांनी कधीही चर्चा करण्यास सहमती दर्शवणे, हे उभय देशांमध्ये पूल बांधण्याच्या (संबंध प्रस्थापित) करण्याच्या दृष्टीने खरोखरच एक मोठे यश आहे. कारण जगाच्या विविध भागांमध्ये निर्माण झालेला तणाव कमी करण्याची क्षमता यात नक्कीच आहे.
टीम भारतशक्ती
(रॉयटर्सच्या इनपुट्ससह)
