व्हान्स यांनी तणाव कमी करण्याचे आवाहन केले
फॉक्स न्यूजला दिलेल्या मुलाखतीत व्हान्स म्हणाले, “आम्ही दोन्ही देशांना तणाव कमी करण्याचे आवाहन करू शकतो, परंतु ज्या युद्धाचा आमच्याशी काहीही संबंध नाही आणि जे आमच्या नियंत्रणाबाहेर आहे अशा युद्धात उतरण्याचा आमचा कोणताही हेतू नाही. भारत किंवा पाकिस्तानला माघार घेण्यास सांगणे ही अमेरिकेची भूमिका नाही.”
त्यांनी पुढे म्हटले की अमेरिका राजनैतिक उपायांचा पाठपुरावा करत राहील. याखेरीज परिस्थिती मोठ्या प्रादेशिक संघर्षात, विशेषतः अण्वस्त्रांशी संबंधित संघर्षात, रूपांतरित होणार नाही अशी आशा त्यांनी व्यक्त केली.
“आमची अपेक्षा अशी आहे की हे युद्ध व्यापक युद्धाकडे वाटचाल करणार नाही आणि निश्चितच अण्वस्त्र युद्धातही रूपांतरीत होणार नाही,” असे ते म्हणाले.
वाढता तणाव
ऑपरेशन सिंदूर अंतर्गत भारताने 7 मे रोजी पाकिस्तान आणि पाकव्याप्त काश्मीर (PoK) मधील दहशतवादी छावण्यांवर हल्ला केल्यानंतर या घडामोडी घडल्या आहेत. भारताने होणाऱ्या हल्ल्यांना निष्प्रभ केले आणि पाकिस्तानी लढाऊ विमाने आणि एक AWACS विमान पाडले.
ट्रम्प यांनी व्यक्त केली चिंता
“हे भयानक आहे. मी दोन्ही देशांना चांगले ओळखतो आणि मला त्यांना थांबवायचे आहे. जर मी कोणत्याही प्रकारे मदत करू शकलो तर मी करेन,” असे त्यांनी पत्रकारांना सांगितले.
भारत-पाकिस्तान शत्रूत्व
दोन्ही देशांसाठी त्यांचा काही विशिष्ट संदेश आहे का असे विचारले असता, ट्रम्प म्हणाले, “मला आशा आहे की ते खूप लवकर संपेल.”
टीम स्ट्रॅटन्यूज
